اراب الەمىندەگى العاشقى اتوم ستانتسياسى ىسكە قوسىلدى

ءابۋ-دابي. قازاقپارات - بىرىككەن اراب امىرلىكتەرىنىڭ ابۋ-دابي امىرلىگىندە «باراكا» اتوم ەلەكتر ستانتسياسى پايدالانۋعا بەرىلدى، دەپ حابارلايدى قازاقپارات ءتىلشىسى.

WAM امىرلىك اگەنتتىگىنىڭ مالىمەتىنشە، «باراكا» ا ە س - اراب وڭىرىندەگى العاشقى، ال الەمدەگى وتىز ءۇشىنشى اتوم ەلەكتر ستانتسياسى.

ول اتوم ەنەرگياسىن بازالىق جۇكتەمەمەن قاۋىپسىز جانە سەنىمدى ەلەكتر ەنەرگياسىنان وندىرەدى. جاڭا ا ە س ابۋ-دابي امىرلىگىنىڭ اد-دافرا مۋنيتسيپالدى ايماعىندا سالىندى جانە 60 جىلعا دەيىن جۇمىس ىستەيدى.

«ءبىز بۇگىن ب ا ءا- ءنىڭ جاڭا جەتىستىگى - اراب الەمىندەگى العاشقى بەيبىت اتوم ەنەرگەتيكالىق رەاكتورىنىڭ ىسكە قوسىلعانىن جاريالايمىز»، - دەپ مالىمدەدى ب ا ءا پرەمەر-ءمينيسترى، ۆيتسە-پرەزيدەنت، دۋباي امىرلىگىنىڭ شەيحى مۋحاممەد بين راشيد ال ماكتۋم اشىلۋ سالتاناتىندا.

ول يادرولىق وتىن ءتورت بلوكتىڭ العاشقىسىنا ءساتتى جۇكتەلگەنىن اتاپ ءوتتى. يادرولىق قوندىرعى تولىعىمەن پايدالانۋعا بەرىلگەننەن كەيىن، ول جىلىنا 21 ميلليون توننادان استام كومىرتەگى شىعارىندىلارىن جويىپ، 5,6 گيگاۆاتت ەلەكتر ەنەرگياسىن وندىرەتىن بولادى.

بىرنەشە اي بويى ا ە س جۇيەلەرى بارلىق نورماتيۆتىك تالاپتارعا جانە ساپا مەن قاۋىپسىزدىكتىڭ ەڭ جوعارى حالىقارالىق ستاندارتتارىنا جاۋاپ بەرەتىنىنە كوز جەتكىزۋ ءۇشىن ۇنەمى باقىلانىپ، تەكسەرىلىپ تۇرادى.