جاقسىلىق ۇشكەمپىروۆ ەلىمىزدە سپورت سالاسىنىڭ كەڭ قانات جايۋىنا اتسالىستى - پرەزيدەنت
پرەزيدەنت قاسىم-جومارت توقايەۆ الەمگە تانىمال داڭقتى پالۋان، وليمپيادا چەمپيونى، حالىقارالىق دارەجەدەگى سپورت شەبەرى، قازاقستاننىڭ ەڭبەك ەرى، بەلگىلى كاسىپكەر جاقسىلىق ءامىرالى ۇلى ۇشكەمپىروۆتىڭ دۇنيەدەن وتۋىنە بايلانىستى ونىڭ وتباسى مەن جاقىندارىنا كوڭىل ايتىپ، جەدەلحات جولدادى.
«جاقسىلىق ءامىرالى ۇلى ەلىمىزدە سپورت سالاسىنىڭ كەڭ قانات جايۋىنا اتسالىستى جانە جاستارعا ۇلگى بولدى. وڭىرلەردى وركەندەتۋ ماقساتىندا سپورت كەشەندەرىن سالىپ، جاس سپورتشىلاردىڭ ءوسىپ-جەتىلۋى جانە اۋىل شارۋاشىلىعىنىڭ دامۋى جولىندا قىرۋار ءىس اتقاردى. ەسەلى ەڭبەگىمەن، ازاماتتىق قادىر-قاسيەتىمەن ەل ىشىندە قۇرمەتكە بولەنىپ، سوڭىندا وشپەس ءىز قالدىردى. مارقۇمنىڭ جانى ءجانناتتا، يمانى سالامات بولسىن»، — دەلىنگەن جەدەلحاتتا.
ەسكە سالايىق، كەشە جاقسىلىق ۇشكەمپىروۆ قايتىس بولدى. سونداي-اق، ەلباسى جاقسىلىق ۇشكەمپىروۆتىڭ جاقىندارىنا كوڭىل ايتتى.
