الەمدەگى العاشقى بانك جايلى بىلەسىز بە؟

نۇر-سۇلتان. قازاقپارات - بۇگىندە بانك ءاربىر مەملەكەت ەكونوميكاسىنىڭ ماڭىزدى بولىگىنە اينالدى. بانك جوق ەلدى كەزدەستىرۋ مۇمكىن ەمەس.

الەمدەگى ەڭ العاشقى بانك 1477-جىلى قۇرىلعان. يتاليا اۋماعىندا XVI عاسىرعا دەيىن عۇمىر سۇرگەن سيەنا رەسپۋبليكاسىندا قۇرىلعان مونتە دەي پاسكي دي سيەنا (Monte dei Paschi di Siena) بانكى ءالى كۇنگە دەيىن قىزمەت كورسەتىپ كەلەدى.

باستاپقى ۋاقىتتا مونتە دەي پاسكي دي سيەنا كومپانياسى تۇرعىندارعا از پروتسەنتپەن قارىزعا اقشا بەرگەن. ۋاقىت وتە بانك قىزمەتى كەڭەيىپ، قازىرگى ۋاقىتتا الەمدەگى بارلىق قارجى ورتالىقتارىندا وكىلدىگىن اشقان.

باي تاريحىنىڭ ارقاسىندا مونتە دەي پاسكي دي سيەنا بانك جۇيەسىنىڭ سيمۆولىنا اينالعان. كومپانيانىڭ شتاب-پاتەرى يتالياداعى پالاتستسو ساليمبەني ءزاۋلىم سارايىندا ورنالاسقان.

massaget.kz