شىنجاڭدا كوروناۆيرۋسقا شالدىققانداردىڭ رەكوردتىق سانى تىركەلدى
«28- شىلدە كۇنگى ساعات 00:00 دەگى جاعداي بويىنشا شىڭجاڭ-ۇيعىر اۆتونومدىق اۋدانى، سونىڭ ىشىندە شىنجاڭ وندىرىستىك-قۇرىلىس كورپۋسىندا (ش و ق ك) كوروناۆيرۋس جۇقتىرۋدىڭ 89 راستالعان وقيعاسى جانە اۋرۋ بەلگىلەرىنسىز جۇرگەن 15 ادام انىقتالدى.
جالپى العاندا، شىنجاڭدا COVID-19 جۇقتىرۋدىڭ 322 راستالعان وقيعاسى (سونىڭ ىشىندە 320 سى - ۇرىمجىدە، بىرەۋى - قاشعار ايماعىندا جانە تاعى بىرەۋى - ش و ق ك- دا تىركەلگەن. سونداي-اق، اۋرۋ بەلگىلەرى جوق 133 ادام انىقتالدى. 9 مىڭنان استام ادام دارىگەرلەر قاراۋىندا ءجۇر»، - دەلىنگەن كوميتەتتىڭ اقپاراتتىق بيۋللەتەنىندە.
ق ح ر دەنساۋلىق ساقتاۋ ءىسى جونىندەگى مەملەكەتتىك كوميتەتىنىڭ مالىمەتىنشە، سوڭعى تاۋلىكتە قىتايدا كوروناۆيرۋس جۇقتىرۋدىڭ 98 راستالعان وقيعاسى تىركەلدى، سونىڭ ىشىندە 89 ى - شىڭجاڭ-ۇيعىر اۆتونومدىق اۋدانى، 8 ءى - لياونين پروۆينتسياسى جانە بىرەۋى بەيجىڭدە انىقتالدى.
ەسكە سالساق، قىتايدىڭ بىرنەشە وڭىرىندە كوروناۆيرۋستىڭ وشاعى انىقتالعانى تۋرالى حابارلاعان بولاتىنبىز.
