ەكس-پرەمەر جەمقورلىق جاسادى دەپ ايىپتالدى
اگەنتتىكتىڭ حابارلاۋىنا قاراعاندا، ەكس-پرەمەرگە ءبىرىنشى ىستە جەتى ەپيزود بويىنشا ايىپ تاعىلعان. ونىڭ ىشىندە بيلىكتەگى قۇزىرەتىن پايدالانۋ جانە اقشا جىمقىرۋ بار. كۇدىكتى كىناسىن مويىندامادى جانە ونىڭ ەسەپشوتىنا اقشانىڭ ءتۇسىپ جاتقانى تۋرالى بىلمەگەنىن ايتتى.
رازاكتىڭ 1 Malaysia Development Berhad مەملەكەتتىك قورى ارقىلى زاڭسىز جىمقىرۋى - ۇرلاعان اقشاسىنىڭ ەڭ كىشى بولىگى ەكەنى اتالىپ وتكەن. پروكۋرورلار ەلدىڭ بۇرىنعى پرەمەرىنە قاتىستى ەسەپشوتتاردا ميلليارد دوللاردان استام قارجى بارىن ايتتى.
مالايزيا بيلىگىندەگىلەر مەملەكەتتىك قوردان 4,5 ميلليارد دوللار ۇرلانعانىن مالىمدەدى. بەس سوت پروتسەسىنىڭ اياسىندا ۇكىمەتتىڭ بۇرىنعى باسشىسىنا قاتىستى جەمقورلىق فاكتىلەرى بويىنشا 42 ايىپ تاعىلىپ وتىر.
1MDB قورى نادجيب رازاكتىڭ توراعالىعىمەن 2009-جىلى قۇرىلعان. قور اقشاسى تۇرمىسى تومەن وتباسىلار مەن مالايزيانىڭ ينۆەستيتسيالىق جوبالارىنا ارنالعان. رازاك 2009-2018-جىلدار ارالىعىندا پرەمەر بولدى.
