قازاقستان پاندەميا كەزىندە سۇرانىسقا يە بولعان كاراۆانينگ- تۋريزم سالاسىن دامىتپاق
«ىندەت تاراعالى بەرى دەمالۋدىڭ الەۋمەتتىك قاشىقتىق ساقتالاتىن ءتۇرى رەتىندە كاراۆانينگ- تۋريزم زور سۇرانىسقا يە بولىپ كەلەدى. ماسەلەن قىتاي مەن رەسەيدە اۆتوۇيلەر مەن موتوتسيكلدەرگە دەگەن سۇرانىس كەزەگىندە 10 ميلليونداعان ادام تۇر. ال ەۋروپادا 6 ميلليونعا جۋىق اۆتوكەرۋەن بار. وسى جىلدىڭ قىركۇيەك ايىندا ەپيدەميولوگيالىق احۋال تۇراقتالعان جاعدايدا ءبىز كاراۆانينگ- ەكسپەديتسيانى ۇيىمداستىرعالى وتىرمىز. ونىڭ ماقساتى - كەمپينگ، كاراۆانيگ پەن ءاۆتوتۋريزمدى دامىتۋ ءۇشىن جىبەك جولى بويى باعدارىن قالىپتاستىرۋ»، - دەدى ەرجان ەركىنبايەۆ و ك ق- دا وتكەن باسپا ءسوز ءماسليحاتىندا.
ونىڭ ايتۋىنشا، باتىس ەۋروپا - باتىس قىتاي كاراۆانينگ- ەكسپەديتسيانىڭ باعدارى رەتىندە تاڭدالىپ الىنعان. ەكسپەديتسيا الماتى وبلىسىنان باستالىپ، تۇركىستان وبلىسىندا اياقتالادى. ەسكە سالا كەتسەك، بۇعان دەيىن ق ر مادەنيەت جانە سپورت مينيسترلىگىنىڭ تۋريزم يندۋسترياسى كوميتەتىنىڭ ءتوراعاسى داستان رىسبەكوۆ الاكول مەن بۋرابايعا دەمالۋعا باراتىن وتباسىنىڭ كەم دەگەندە ءبىر مۇشەسىندە پ ت ر- تەست انىقتاماسى بولۋى كەرەكتىگىن ەسكە سالعان ەدى. ونىڭ ايتۋىنشا، قازاقستانداعى بارلىق كۋرورتتىق ورىنداردا وسى جىلدىڭ جازعى تۋريستىك ماۋسىمىنىڭ سوڭىنا دەيىن بوس ورىندار قالماعان.
