18:28, 28 - شىلدە 2020 | GMT +5
قازاقستاندىقتار تۇركياعا قاي كۇننەن باستاپ ۇشا الادى
نۇر-سۇلتان. قازاقپارات – ق ر مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ ءتوراعاسى داستان رىسبەكوۆ قازاقستاندىقتاردىڭ تۇركياعا قاي كۇننەن باستاپ ۇشا الاتىنىن ايتىپ بەردى، دەپ حابارلايدى قازاقپارات ءتىلشىسى.
«ءبارى دە ءبىزدىڭ مەملەكەتتەگى جانە بىزبەن سەرىكتەس ەلدەگى ەپيدەميولوگيالىق اۋحالعا بايلانىستى. بۇگىنگى تاڭدا 10-تامىزدان باستاپ تۇركياعا اۋە رەيسىن جانداندىرۋ ماسەلەسى پىسىقتالىپ جاتىر»، - دەدى داستان رىسبەكوۆ و ك ق- دا وتكەن باسپا ءسوز ءماسليحاتىندا.
ەسكە سالا كەتسەك، بۇعان دەيىن تايلاند پەن گرۋزياعا اۋە رەيستەرى اشىلۋى مۇمكىن ەكەنى مالىمدەلگەن. سونداي-اق داستان رىسبەكوۆ الاكول مەن بۋرابايعا دەمالۋعا باراتىن وتباسىنىڭ كەم دەگەندە ءبىر مۇشەسىندە پ ت ر- تەست انىقتاماسى بولۋى كەرەكتىگىن ەسكە سالعان ەدى. ونىڭ ايتۋىنشا، قازاقستانداعى بارلىق كۋرورتتىق ورىنداردا وسى جىلدىڭ جازعى تۋريستىك ماۋسىمىنىڭ سوڭىنا دەيىن بوس ورىندار قالماعان.
