ەلىمىزدىڭ كۋرورتتارىندا بوس ورىن جوق - مينيسترلىك
«ەلىمىز توتەنشە جاعدايدان شىققاننان كەيىن تۋريستىك بيزنەس سالاسىندا ءبىزدىڭ مينيسترلىك دەنساۋلىق ساقتاۋ مينيسترلىگىمەن بىرلەسىپ، قىزمەت كورسەتۋشىلەر مەن دەمالۋشىلاردىڭ سانيتارلىق- ەپيدەميولوگيالىق قاۋىپسىزدىگىن قامتاماسىز ەتە وتىرىپ، كارانتيندىك شەكتەۋلەر جاعدايىندا كۋرورتتار، دەمالىس ايماقتارى مەن شيپاجايلار جۇمىسىنىڭ الگوريتمىن جەدەل ازىرلەدى. اتالعان الگوريتمدەر ورنالاسۋ ورىندارىنىڭ بارلىق مەنشىك يەلەرىنە جەتكىزىلدى. ايتا كەتەرلىگى، بيزنەس بۇل ماسەلەگە جاۋاپكەرشىلىكپەن قاراپ، تۋريستىك ماۋسىمنىڭ باستالۋىنا دايىندالۋ، قورعانىس قۇرالدارىن ساتىپ الۋ، نىساندارداعى قاۋىپسىزدىكتى قامتاماسىز ەتۋ بويىنشا بارلىق تالاپتى ساقتاي وتىرىپ، جۇمىستى ۇيىمداستىردى»، - دەدى داستان رىسپەكوۆ و ك ق- دا وتكەن باسپا ءسوز ءماسليحاتىندا.
ونىڭ ايتۋىنشا، قالالار مەن وبلىستاردىڭ اكىمدىكتەرىندە تۋريستىك نىسانداردى قابىلدانعان الگوريتمدەرگە سايكەستىگىن تەكسەرەتىن تۇراقتى مونيتورينگ توپتارى قۇرىلعان.
«وسىلايشا ىشكى تۋريزم سالاسىندا جۇمىس ىستەۋگە جانە كليەنتتەر الدىنداعى ءوز مىندەتتەمەلەرىن ورىنداۋعا مۇمكىندىك بەرىلدى. ءبىزدىڭ مالىمەتتەرىمىز بويىنشا بارلىق كۋرورتتىق ورىندا وسى جىلدىڭ جازعى تۋريستىك ماۋسىمىنىڭ سوڭىنا دەيىن برونداۋ ءۇشىن بوس ورىندار قالعان جوق»، - دەدى ول.
