الماتى كوشەسىندە ەكى قىزدى سوققىعا جىققان ەر ادام ۇستالدى

الماتى. قازاقپارات - الماتىدا قالانىڭ ورتاسىندا ەكى قىزدى سوققىعا جىققان ەر ادام ۇستالدى، دەپ حابارلايدى قازاقپارات ءتىشىسى.

وقىس وقيعا 25 شىلدەدە ابىلاي حان كوشەسىندە بولعان. بۇل تۋرالى اقپارات Instagram-داعى SVET قوعامدىق قورىنىڭ پاراقشاسىندا جاريالاندى. قىزدار كولىكتەرىنىڭ جانارمايى تاۋسىلعان سوڭ قازىبەك بي كوشەسىندە توقتاۋعا ءماجبۇر بولعان. دوستارىنان كومەك كۇتىپ وتىرعان بويجەتكەندەرگە ماس ادام كەلىپ تيىسە باستاعان. مازالارىن الماۋىن وتىنگەن قىزداردىڭ بىرەۋىن ول شاشىنان ۇستاپ كولىكتىڭ كاپوتىنا سوققان. ەكىنشى قىزدىڭ جاعىنان ءبىر ۇرىپ، جەرگە قۇلاتقان. قىزدار كولىككە كىرىپ ەسىكتى ىشتەن جاۋىپ العان كەزدە بۇزىپ كىرمەك بولعان. اشا الماعان سوڭ ەر ادام كولىگىنە وتىرىپ كەتىپ قالعان. ميى شايقالىپ، سوققى العان قىز اۋرۋحاناعا جەتكىزىلدى. قالالىق پد بۇل دەرەك بويىنشا المالى اۋداندىق پ ب ق ر ق ك 293-بابى 2-بولىمىمەن قىلمىستىق ءىس قوزعادى. قازىر پوليتسيا 32 جاستاعى ەر ادامدى ۇستادى. تەرگەۋ ءىسى قالالىق پ د باسشىلىعىنىڭ باقىلاۋىنا الىنباق.