رۇقسات پەن تىيىم: قانداي نىساندار اشىلىپ، قايسىسى جابىق كۇيىندە قالادى
اتاپ ايتقاندا مىنا نىسانداردىڭ جۇمىسى قايتا جاندانادى:
- ويىن- ساۋىق ورتالىقتارى؛
- ساۋدا ۇيلەرى؛
- ۋاقىتى مەن كۇنى شەكتەۋلى تارتىپتە ساۋدا جەلىلەرى؛
- جابىق ازىق- تۇلىك نىساندارى مەن ازىق- تۇلىك ساتپايتىن بازارلارى؛
- بالالاردىڭ كوررەكتسيالىق كابينەتى؛
- ءبىلىم بەرۋ ورتالىقتارى؛
- بالالاردى دامىتۋ ورتالىقتارى؛
- توپتىق ۇيىرمەلەر (بەس بالادان اسپاۋى كەرەك)؛
- بالالاردىڭ مەكتەپكە دەيىنگى مەكەمەلەرى (كەزەكشى توپ رەجيمىندە جۇمىس ىستەۋگە رۇقسات)؛
- ءسان- سالوندارى؛ - شاشتارازدار؛
- كوسمەتيكالىق قىزمەت كورسەتەتىن ورتالىقتار مەن سالوندار، مانيكيۋرلار مەن پەديكيۋرلار (الدىن الا جازىلۋ بويىنشا).
قانداي نىسانداردىڭ جۇمىسىنا تىيىم كۇشىندە قالادى؟
قانداي شەكتەۋ شارالارى كۇشىندە قالادى؟
- جاپپاي جينالاتىن بۇقارالىق شارالاردى وتكىزۋگە؛
- كوڭىل كوتەرەتىن مەكەمەلەرگە، كينوتەاترلار مەن فۋدكورتتارعا، بانكەت زالدارىنا؛
- مەيرامحانالار مەن بارلار، تۇنگى جانە ويىن كلۋبتارى؛
- مادەنيەت نىساندارى، مۋزەيلەر؛
- كونفەرەنسيالار مەن كورمەلەر، فورۋمدار؛
- سپورت زالدارى، فيتنەس- ورتالىقتار، باسسەيندەر مەن اكۆاپارك پلياجدارى، ءدىني نىساندار؛
- جولاۋشىلار پويىزى (جۇمىس پويىزدارىن ەسەپتەمەگەندە ەلەكتريچكالار) مەن قالااراسىنداعى اۆتوبۋستاردىڭ قوزعالىسى جاندانبايدى.
ەسكە سالا كەتسەك، بۇگىن ق ر پرەمەر- ءمينيسترى اسقار مامين ەلدەگى ەپيدەميولوگيالىق جاعداي مەن كوروناۆيرۋس ينفەكسياسىنا قارسى كۇرەس شارالارى تۋرالى ۇكىمەت وتىرىسىن وتكىزگەن بولاتىن.
«ەلدەگى ەپيدەميولوگيالىق جاعدايدى ودان ءارى جاقسارتۋىمىز قاجەت. بۇگىن دەنساۋلىق ساقتاۋ مينيسترلىگى كارانتيندىك شارالاردى بىرتىندەپ الۋ جوسپارىن ۇسىنىپ وتىر. قازىرگى جاعداي مەن وسى ايدىڭ قورىتىندىسىن ەسكەرە وتىرىپ، مەملەكەتتىك كوميسسيانىڭ وتىرىسىندا بۇل جوسپار قاراستىرىلىپ، ءتيىستى شەشىم قابىلدانادى»، - دەدى اسقار مامين.
