قۇربان ايت كۇندەرى الماتىنىڭ سىرتىنا پوستتار قويىلادى

نۇر-سۇلتان. قازاقپارات - الماتى قالاسىنىڭ باس سانيتارلىق دارىگەرى جانداربەك بەكشين بيىل قۇربان ايت مەرەكەسىن وتكىزۋ ەرەجەلەرىن ايقىندايتىن جاڭا قاۋلىعا قول قويدى.

جارلىققا سايكەس، قۇربان ايت كەزىندە بۇكىل قالادا مەرەكەگە وراي جاپپاي شارالار وتكىزۋگە تىيىم سالىنادى. تىيىم ۇيىمدارعا دا، مەدرەسەلەر مەن الماتىلىقتاردىڭ جەكە ۇيلەرىنە دە قاتىستى.

قۇجاتقا سايكەس، الماتىدا مالدى كولىكتەردە جانە جەكە ءۇي شارۋاشىلىعىندا سويۋعا جانە ساتۋعا تىيىم سالىندى.

مال سويۋ پۋنكتتەرى مەن بازارلاردىڭ قىزمەتىنە تىيىم سالىنادى. بۇل قىزمەتتى ونلاين تاپسىرىس العان كاسىپكەرلىكتەر جاسايدى. ولاردىڭ ءتىزىمىن الماتى قالاسىنىڭ ورتالىق مەشىتى انىقتايدى.

حابارلامالار الماتىنىڭ كىرە بەرىستەرىندە ورناتىلادى. پوليتسياعا الماتىعا مالدىڭ اكەلىنۋىنە جول بەرمەۋ تاپسىرىلدى. بۇل قىزمەتتەردى دە ورتالىق مەشىت بەكىتكەندەر اتقارادى.

قۇرباندىق شالۋ ءۇشىن ازاماتتار قۇربان2020.kz سايتىنا جۇگىنۋى كەرەك.

الماتىنىڭ باس سانيتارلىق دارىگەرى قالا تۇرعىندارىنان جاعدايدى تۇسىنىستىكپەن قاراۋدى ءوتىندى.

«ەڭ باستىسى - ۆيرۋستىق ينفەكتسيانىڭ الدىن- الۋ كەرەك، ويتكەنى ادامدار كوپ جينالادى. مەن سىزدەردى وسى تالاپتى سوڭىنا دەيىن كوتەرۋگە شاقىرامىن» ، - دەدى بەكشين.

ايتا كەتەيىك، بۇل سايت 24 -شىلدەدە ىسكە قوسىلدى، ءبىراق قازىرقۇربان ەتكە مۇقتاج ادامداردان ءوتىنىش قابىلداۋدى ۋاقىتشا توقتاتتى. سەبەبى، مۇقتاجداردىڭ سانى قۇرباندىق شالۋشىلار سانىنان ەداۋىر اسىپ كەتتى.

بيىل قۇربان ايت 31 - شىلدە كۇنى بولادى. 30- شىلدە قاسيەتتى ارافا كۇنى.