كوروناۆيرۋس جۇقتىرعانىن ادام ءتىلىنىڭ تۇسىنەن بىلۋگە بولادى - پۋلمونولوگ ابزال مالباسقانوۆ
دارىگەردىڭ ايتۋىنشا، وكپەنىڭ دەنساۋلىعىنا كەرى ىقپال ەتەتىن فاكتورلاردىڭ ىشىندە تەمەكى مەن قورقور دا بار. «قورقور شەگۋ ادام اعزاسىنا زيان. ونى ادامدار قوعامدىق ورىنداردا شەگەدى. ونىڭ ىشىندە تۋبەركۋلەز دەرتىنە شالدىققان كىسىلەردەن كەيىن شەككەن ادامدار اۋرۋ جۇقتىرادى. قورقوردى ارنايى ەرىتىندىمەن بىرنەشە ساعاتقا زارارسىزداندىرۋ كەرەك» ، - دەدى دارىگەر. قورقور وكپە قابىنۋىنا اكەلۋى مۇمكىن.
«قورقور وكپەگە وتە زياندى. بۇل تۇرعىدان عىلىمي زەرتتەۋلەر جاسالعان. تەمەكى شەگۋ وكپەنىڭ ىرىڭدەۋىنە سوقتىرادى»، - دەدى ول. فتيزيوحيرۋرگ ءيىس جانە ءدام سەزۋ قابىلەتى جوعالعان ادامدارعا قاتىستى جاۋاپ بەردى.
«دەزينفەكتسيالىق قۇرالداردى شاشقاندا اللەرگيالىق رەاكتسيا بولۋى ىقتيمال. قىسقا ۋاقىتقا ءيىس سەزۋ قابىلەتى تومەندەۋى مۇمكىن. ءبىراق، اللەرگيانىڭ سەبەبىنەن ءدام سەزۋ قابىلەتىن جوعالتۋ سيرەك كەزدەسەدى. مۇرىن قۇرعاق بولسا دا، ادام ءيىس سەزۋ قابىلەتىنەن ايرىلسا، ول كوروناۆيرۋس سيمپتومى بولۋى ىقتيمال»، - دەدى ابزال مالباسقانوۆ.
وكپەنىڭ زاقىمدانۋى پروبلەماسىمەن ءجيى اينالىساتىن مامان ءوزىنىڭ دارىگەرلىك باقىلاۋىمەن ءبولىستى. ونىڭ ايتۋىنشا، كوروناۆيرۋس جۇقتىرعان ادامدا كۇمان بولسا، ءتىلىنىڭ تۇسىنەن انىقتاۋعا بولادى.
«ادامدا كۇمان بولسا، ايناعا قاراپ، ءتىلىن كورۋى كەرەك. ءتىلىنىڭ ءتۇسى قارايىپ تۇرسا، كوروناۆيرۋس بولۋى مۇمكىن. بۇل اعزانىڭ جاعدايىن كورسەتەدى»، - دەدى دارىگەر.
