ساتبايەۆتاعى وقيعا: كۇدىكتى ەكى ايعا قاماۋعا الىندى
قاراعاندى وبلىسى. قازاقپارات - سوت ساتبايەۆ قالاسىندا بالانى ۇرلاپ الىپ، زورلادى دەپ ايىپتالىپ وتىرعان كۇدىكتىنى ەكى ايعا قاماۋعا الۋ تۋرالى شەشىم شىعاردى، دەپ حابارلايدى قازاقپارات.
تەرگەۋ سۋدياسى سەرىك يسابايەۆ ۆيدەوبايلانىس رەجيمىندە وتىرىس وتكىزدى.
سەبەبى كارانتين ۋاقىتىندا سوت عيماراتىنا تەرگەۋگە الىنعان ادامدار اكەلىنبەيدى. ونىڭ ادۆوكاتى 58 جاستاعى كۇدىكتىنى قاماۋعا الماۋ جانە حالىقتىڭ اشۋ- ىزاسىنا بايلانىستى ونى كۇزەتۋدى وتىنگەن. سونىمەن بىرگە قورعاۋشى ءوز قورعاۋىنداعى كۇدىكتىنىڭ ءبىرقاتار اۋرۋى بارىن دا ايتقان. سۋديا كەڭەسۋ بولمەسىنەن شىققاننان كەيىن ونى قاماۋعا الۋ تۋرالى شەشىم شىعاردى.
«سوت ونى ەكى ايعا قاماۋعا الۋ تۋرالى شەشىم شىعاردى. مەرزىم ونىڭ ۇستالعان ۋاقىتىنان، ياعني 23 شىلدەدەن باستالادى»، - دەپ حابارلادى سوتتان.
ەكى ايدان كەيىن تەرگەۋشى وسى ءىس بويىنشا ۇكىم وقىلۋى ءۇشىن ءىستى سوتقا جولداۋى كەرەك. ەگەر ەكى اي از بولسا بۇل مەرزىم ۇزارتىلۋى مۇمكىن.
ەستەرىڭىزگە سالا كەتەيىك، 23-شىلدەدە ساتبايەۆ پوليتسياسىنا ەر ادام بەس جاسار قىزىنىڭ جوعالعانىن ايتىپ، ارىزدانعان بولاتىن. قىزدى ىزدەۋ جۇمىستارىنا جەرگىلىكتى پوليتسيا ءبولىمىنىڭ بارلىق جەكە قۇرامى مەن جۇزدەن استام ەرىكتى قاتىستى. بالا تۇندە كوپقاباتتى ۇيلەردىڭ بىرىنەن تابىلدى. بۇل شاھاردا ۇلكەن شۋ تۋعىزدى. قازىر قالادا جاعداي تۇراقتاندى. ساتبايەۆ كۇندەلىكتى رەجيمدە ءومىر ءسۇرىپ جاتىر.
بۇگىن ىشكى ىستەر ءمينيسترى ەرلان تۇرعىمبايەۆ ساتبايەۆتاعى بەس جاسار قىز بالانىڭ جوعالۋىنا قاتىستى وقيعانىڭ ءمان- جايىن ايتىپ بەرگەن بولاتىن. سونداي-اق، پرەزيدەنت شورناق اۋىلى مەن ساتبايەۆ قالاسىنداعى جاعدايعا بايلانىستى كەڭەس وتكىزدى.
