گەرمانيا، فرانسيا، يسپانيادا كوروناۆيرۋس جۇقتىرعاندار سانى كوبەيدى
بريتانيا تاعى دا يسپانيادان كەلۋشىلەر ءۇشىن ەكى اپتالىق كارانتين ەنگىزسە، گەرمانيا مەن فرانسيادا ىندەتكە شالىققاندار سانى كوبەيۋدە.
بۇل تۋرالى قازاقپارات BBC اگەنتتىگىنە سىلتەمە جاساپ حابارلايدى.
بريتان بيلىگى يسپانيادا كورواۆيرۋس جۇقتىرعاندار سانىنىڭ ارتۋىنا بايلانىستى وسى ەلدەن كەلگەندەرگە 14 كۇن وقشاۋلانۋ شاراسىن مىندەتتەلدى. ماۋسىم ايىندا يسپانيادا ەل بويىنشا كۇنىنە 250 اۋرۋ جۇقتىرۋ وقيعاسى تىركەلسە، وسى اپتادا ءبىر كۇندە 1,5 مىڭ كوروناۆيرۋسكە شالدىعۋ دەرەگى تىركەلدى.
بەلگيا ءوز ازاماتتارىنا يسپانياعا بارۋعا تىيىم سالىپ، ءوز ازاماتتارىنا ول ەلگە بارۋعا باس تارتۋعا كەڭەس بەردى. وسى اپتادا ە و- نىڭ كوپتەگەن ەلىندە Covid-19 جۇقتىرعاندار سانى ارتتى.
سەنبى كۇنى فرانسيادا جاڭا ينفەكتسيالار سانى ەكىنشى كۇن قاتارىنان 1000 ادامعا كوبەيگەنى تۋرالى حابارلاندى، ياعني ينفەكتسيانىڭ دەڭگەيى كارانتين توقتاتىلعانعا دەيىن مامىردا بايقالعان دەڭگەيگە قايتا ورالدى.
گەرمانيادا جۇما جانە سەنبى كۇندەرى كورناۆيرۋس جاعدايلارىنىڭ ءوسۋى بايقالدى، تيىسىنشە 815 جانە 781، بۇل - مامىر ايىنىڭ ورتاسىنان بەرگى ەڭ جوعارى ءوسىم. گەرمانيا دەنساۋلىق ساقتاۋ ءمينيسترى اتاپ وتكەندەي، ەلدە اۋرۋ جۇقتىرۋ دەڭگەيى جوعارى ەلدەردەن، سونىڭ ىشىندە ا ق ش پەن برازيليا، سونداي-اق تۇركيادان كەلگەن بارلىق دەمالۋشىلار ءۇشىن كوروناۆيرۋس مىندەتتى تەست تاپسىرۋدى ەنگىزە باستايدى.
اۋستريا دۇيسەنبىدەن باستاپ ەپيدەميولوگيالىق جاعدايى قولايسىز ەلدەردەن كەلۋشىلەر ءۇشىن ەلگە كىرۋ ەرەجەسىن كۇشەيتەدى. 32 مەملەكەتتەن كەلۋشىلەر كوروناۆيرۋسقا تاپسىرعان پ ت ر- تەست تەرىس ناتيجە كورسەتسە عانا ەلگە كىرە الادى. بەلگيانىڭ ۇلتتىق قاۋىپسىزدىك كەڭەسى شەكتەۋلەردى الىپ تاستاۋدىڭ بەسىنشى كەزەڭىن ەنگىزۋدى كەيىنگە قالدىرۋ، سونداي- اق ەلدە اۋرۋ جۇقتىرعاندار سانىنىڭ وسۋىنە بايلانىستى ماسكا تاعۋ رەجيمدى كۇشەيتۋ تۋرالى شەشىم قابىلدادى.
جەكسەنبى كۇنى يران سوڭعى تاۋلىكتە كوروناۆيرۋس جۇقتىرعان جاڭا وقيعالاردىڭ سانى 2333، قايتىس بولۋ جاعدايلارىنىڭ سانى 216 بولعانىن راستادى. ەلدە ىندەتتەن كوز جۇمعانداردىڭ جالپى سانى 15,7 مىڭ. ءساۋىر ايىندا يران كارانتيندى السىرەتىپ، مەشىتتەر مەن ساۋدا ورتالىقتارىن اشتى، الايدا قازىر بيلىك تاعى دا قوعامدىق ءىس-شارالاردى شەكتەپ، حالىقتى قوعامدىق كولىكتە جانە ادام كوپ جينالاتىن جەرلەردە ماسكا تاعۋعا شاقىرادى.
سوڭعى ءۇش كۇندە ا ق ش- تا ءاربىر 24 ساعات سايىن اۋرۋ جۇقتىرۋدىڭ جاڭا جاعدايلارىنىڭ سانى 280 مىڭعا ءوستى. جالپى الەمدىك ستاتيستيكادا شامامەن ءاربىر ءتورتىنشى جاعداي ا ق ش- قا تيەسىلى ەكەنىن كورسەتەدى.
دۇنيەجۇزىلىك دەنساۋلىق ساقتاۋ ۇيىمى (د د س ۇ) الەمدە كوروناۆيرۋستىڭ تارالۋى جاعدايىنىڭ شيەلەنىسىپ تۇرعانىن ەسكەرتەدى. ءۇندىستاندا قيىن جاعداي قالىپتاسۋدا، وندا 1,3 ميلليون ادامنىڭ اۋرۋ جۇقتىرۋ جاعدايلارى تىركەلگەن. ولاردىڭ 100 مىڭى - سوڭعى ەكى كۇندە انىقتالعان.
ەپيدەميولوگتار سونىمەن بىرگە پاندەميا ءالى كۇنگە دەيىن ءورشىپ تۇرعان ا ق ش پەن برازيلياداعى جاعدايعا الاڭداۋلى. پاندەميا افريكا ەلدەرىندە دە ورشۋدە. وڭتۇستىك افريكادا، وندا 420 مىڭنان استام ىندەتكە شالدىعۋ وقيعاسى تىركەلگەن. سونىمەن قاتار، د د س ۇ مالىمەتتەرى بويىنشا، ەپيدەميانىڭ قۇرلىقتا تارالۋى باستالعاننان بەرى 10 مىڭعا جۋىق مەديتسينا قىزمەتكەرى كوروناۆيرۋسپەن اۋىرعان.
