قازاقستاندا جوسپارلى مەديتسينالىق قىزمەت كەزەڭ-كەزەڭىمەن جاندانادى
«پاندەميا كەزىندە كوپتەگەن مەديتسينالىق ۇيىمدار COVID-19-كە قارسى كۇرەسكە قاتىستى. حالىققا جوسپارلى جانە جوعارى تەحنولوگيالىق مەديتسينالىق كومەك كورسەتۋ ۋاقىتشا توقتاتىلدى. تامىز ايىنان باستاپ، رەسپۋبليكالىق كلينيكالاردا جوسپارلى مەديتسينالىق كومەك كورسەتۋ كەزەڭ-كەزەڭمەن قايتا باستالادى»، - دەپ حابارلادى مينيسترلىكتىڭ باسپا ءسوز قىزمەتى Telegram جەلىسىندە.
ەندى ناۋقاستار سانى 50 پايىزدان تومەن ستاتسيونارلاردا بەيىندى جانە جوسپارلى توسەك- ورىنداردىڭ 50 پايىزىن قايتا اشۋ جوسپارلانۋدا.
«حالىققا جوسپارلى، سونىڭ ىشىندە جوعارى تەحنولوگيالى مەديتسينالىق كومەك كورسەتۋدى كەزەڭ-كەزەڭىمەن جانداندىرۋ بويىنشا مينيسترلىك جوسپار ازىرلەدى. بۇل جۇمىستار اياسى تار سالالاردىڭ قىزمەت كورسەتۋىنە جانە COVID-19-پەن كۇرەسكە مەديتسينالىق ۇيىمداردىڭ قاتىسۋى دارەجەسىنە بايلانىستى جۇرگىزىلەدى»، - دەپ اتاپ ءوتتى دەنساۋلىق ساقتاۋ ءمينيسترى الەكسەي سوي.
