عالىم: پاندەميا تاعى ەكى جىل جالعاسادى
نۇر-سۇلتان. قازاقپارات- بيلل گەيتس قورىنىڭ قولداۋىمەن وڭتۇستىك كورەيادا ۆيرۋستاردى ەرتە ساتىسىندا انىقتاپ، جويا الاتىن جۇيەنى دامىتۋ قولعا الىندى، دەپ حابارلايدى «حابار 24» .
وعان ونلاين رەجيمىندە كورەيا، ا ق ش، ۇلىبريتانيا جانە گەرمانيا عالىمدارى قاتىستى. كورەيا ۋنيۆەرسيتەتىنىڭ پروفەسسورى كيم ۆۋ دجۋ جۇقپالى اۋرۋلاردى ەرتەرەك انىقتاۋعا مۇمكىندىك بەرەتىن جۇيەنى جاساۋ ءۇشىن جۇمىس ىستەپ جاتقانىن ايتتى. كيم ۆۋ دجۋ پاندەميا تاعى 2 جىل جالعاسادى دەپ بولجايدى. سەبەبى ادامدار كوروناۆيرۋستىڭ الدىن الۋدىڭ نەگىزگى ەرەجەلەرىن ساقتامايتىنىن ايتادى. «ءبىر دەنساۋلىق» قاعيداسى ساقتالسا، ۆيرۋستى بولمايدى» - دەيدى ول.
كيم ۆۋ دجۋ، كورەيا ۋنيۆەرسيتەتىنىڭ پروفەسسورى:
- وتكەندە ادامدار نە ىستەدى؟ ولار دجۋنگلي مەن ورماندى جويىپ، جابايى جانۋارلاردى جەپ، جاڭا اۋرۋلاردى تۋدىردى. SARS ۆيرۋسى قىتايدىڭ وڭتۇستىگىندە جابايى مىسىقتاردى تۇتىنعان كەزدە پايدا بولدى. باتىس افريكادا جارقانات ۇستالعان كەزدە ەبولا ۆيرۋسى انىقتالدى. قازىرگى كوروناۆيرۋس ۋحانداعى جابايى تابيعات بازارىنداعى جارقاناتتان باستالدى. ادامزات جابايى جانۋارلاردى پايدالانۋ ارقىلى «پاندورا جاشىگىن» اشتى. سوندىقتان اۋرۋلار تارالۋىن بولدىرماۋ ءۇشىن «ءبىر دەنساۋلىق» قاعيداسىن ساقتاۋ قاجەت. ول ادامزات، تابيعات پەن جانۋارلار بىرگە ۇيلەسىمدى ءومىر ءسۇرۋ كەرەك دەگەن ءسوز.
