قاشىقتان وقىتۋ: ەلوردا ۇستازدارى كەمبريدج پروفەسسورلارىمەن تاجىريبە الماسادى
وسىعان وراي ءبىلىم باسقارماسى وقۋ جىلىنىڭ ءساتتى باستالۋى ءۇشىن دايىندىق جۇرگىزىپ، قاجەتتى شارالار قابىلداۋدا، دەپ حابارلايدى نۇر- سۇلتان اكىمدىگىنىڭ رەسمي سايتى.
نۇر- سۇلتان قالاسى اكىمدىگىنىڭ ءبىلىم بەرۋدى جاڭعىرتۋ ورتالىعى ونلاين ساباق وتكىزۋگە ارنالعان بىرنەشە ۆيرتۋالدى پلاتفورما ۇسىندى. بۇگىندە قالانىڭ بارلىق مەكتەبى Daryn Online, Bilimland پلاتفورمالارىمەن كەلىسىم شارتقا وتىرعان. قازىرگى تاڭدا ۇستازدار ينتەراكتيۆتى قۇرالدار مەن تەحنولوگيالاردى، بەينەساباق پايدالانۋدى مەڭگەرىپ وتىر.
«ءبىر پلاتفورمانىڭ وزىندە وقۋلىقتار مەن تسيفرلىق رەسۋرستاردى قولدانىپ، ساباق وتكىزۋگە مۇمكىندىك بار. كەرى بايلانىس جاساۋعا، وقۋشىنىڭ ءبىلىمىن تەكسەرۋگە بولادى. سونداي- اق Opiq.kz ارقىلى «Almatykitap» تسيفرلى وقۋلىقتارىن قولدانۋعا جاعداي جاسالعان» ، - دەدى ءبىلىم بەرۋدى جاڭعىرتۋ ورتالىعىنىڭ ديرەكتورى ءاليا ماقىشيەۆا Astana Life باعدارلاماسىندا. ماۋسىم ايىندا ىسكە قوسىلعان ەكىنشى ونلاين پلاتفورما ۇستازداردىڭ ءوزارا تاجىريبە الماسۋىنا، ادىستەمەلىك كومەك كورسەتۋگە ارنالعان. ءار جۇما سايىن ۇزدىك ۇستازدار بەلگىلى ءبىر تاقىرىپ بويىنشا ونلاين كونفەرەنتسيادا ءوز تاجىريبەسىمەن بولىسەدى.
«پەداگوگيكالىق تاجىريبە الاڭى» بارلىق ۇستازعا قولجەتىمدى. ءبىلىم بەرۋدى جاڭعىرتۋ ورتالىعى ديرەكتورىنىڭ ورىنباسارى سىندار داۋەشوۆا تاجىريبە الماسۋ ماقساتىندا كەمبريدج ۋنيۆەرسيتەتى پروفەسسورلارىمەن بايلانىس ورناتىلعانىن اتاپ ءوتتى. جاقىندا ىسكە قوسىلعان ءۇشىنشى ونلاين پلاتفورما ۇستازداردىڭ كاسىبي بىلىكتىلىگىن ارتتىرۋعا باعىتتالعان. Academia.kz پەداگوگيكالىق شەبەرلىكتىڭ ۆيرتۋالدى زەرتحاناسى ارقىلى مۇعالىمدەر ءتۇرلى كۋرستاردان ءوتىپ، سەرتيفيكات الادى. ۆيرتۋالدى زەرتحانادا نازاربايەۆ زياتكەرلىك مەكتەپتەرى مەن ەلىمىزدەگى ەڭ ۇزدىك ۇستازدارىنىڭ اۆتورلىعىمەن ەنگىزىلگەن كۋرستار جيناقتالعان. ءقازىردىڭ وزىندە بەس مىڭ مامان ونلاين سەرتيفيكات الىپ ۇلگەردى.
«ۇستازدار بەرىلگەن تاپسىرمالاردى ورىنداپ، ءارتۇرلى دەڭگەيلەردەن وتەدى. سودان كەيىن بارىپ سەرتيفيكات الادى» ، - دەپ اتاپ ءوتتى پەداگوگ مايرا بورانبايەۆا. نۇر- سۇلتان قالالىق ءبىلىم بەرۋدى جاڭعىرتۋ ورتالىعى تامىز ايىندا «تسيفرلىق پەداگوگيكا: وقىتۋ جانە تاجىريبە» تاقىرىبىندا ونلاين- وقىتۋ وتكىزۋدى جوسپارلاپ وتىر. وندا 12480 ءمۇعالىم قامتىلادى.
