قازگيدرومەت قارعالى وزەنىندەگى كوبىككە قاتىستى تۇسىنىكتەمە بەردى

24 - شىلدەدە «قازگيدرومەت» ر م ك الماتى قالاسى بويىنشا فيليالى قارعالى وزەنىنىڭ نۇكتەسىندە كوپىردەن 0,2 كم جوعارى قارعالى وزەنىنىڭ سۋىنان سىناما الۋ جۇمىستارىن جۇرگىزگەن.

«سۋ ساپاسىن تالداۋ نەگىزگى يوندار، بيوگەندى، ورگانيكالىق جانە بەيورگانيكالىق زاتتار مەن اۋىر مەتالداردى قوسا العاندا، 44 فيزيكالىق- حيميالىق كورسەتكىش بويىنشا جۇرگىزىلەتىن بولادى. ءبىرىنشى كۇنگى الىنعان سۋدىڭ تالداۋ ناتيجەلەرى بويىنشا: سۋدىڭ تەمپەراتۋراسى 18,2؛C قۇرادى، سۋتەگى كورسەتكىشى 7,78, سۋدا ەرىتىلگەن وتتەگىنىڭ كونتسەنتراتسياسى 8,4 مگ/دم3, مولدىرلىگى - 21 س م، ءيىسى - 0 بالل، تابيعي سۋعا ءتان ەمەس ءيىس تابىلعان جوق، سۋ ءمولدىر» - دەلىنگەن تاراتىلعان حابارلامادا.

قازىرگى ۋاقىتتا اۋىر مەتالداردى، ورگانيكالىق جانە بيوگەندى زاتتاردى انىقتاۋ ءۇشىن سۋ سىنامالارىنا فيزيكا- حيميالىق تالداۋ جاسالعان، ونىڭ ناتيجەلەر 28 -شىلدەدە قوسىمشا جاريالانباق. ەسكە سالساق الەۋمەتتىك جەلىدە الماتى قالاسى ناۋرىزباي اۋدانىنداعى قارعالى وزەنىنەن شىعىپ جاتقان كوبىك تۋرالى ۆيدەو جاريالانعان بولاتىن.