قازاقستانداعى ەكى تالگو پويىزى ۋاقىتشا توقتاتىلدى

نۇر- سۇلتان. قازاقپارات - «جولاۋشىلار تاسىمالى» ا ق جولاۋشىلار اعىمىنىڭ ازايۋىنا بايلانىستى ەكى پويىز ۋاقىتشا توقتايتىنىن جاريا ەتتى، دەپ حابارلايدى قازاقپارات كومپانيانىڭ باسپا ءسوز قىزمەتىنە سىلتەمە جاساپ.

«جايسىز ەپيدەميولوگيالىق احۋال مەن كوروناۆيرۋس ينفەكتسياسىنىڭ تارالۋىن شەكتەۋ ءۇشىن ەنگىزىلگەن كارانتين شارالارىنا بايلانىستى جولاۋشىلار اعىمى مەن پويىزداردىڭ تولىمدىلىعى ازايىپ كەتتى. بۇل ايتارلىقتاي شىعىنعا اكەپ سوقتىرادى» ، - دەدى كومپانيادان.

قارجىلىق جاعداي قيىنداپ كەتپەۋى ءۇشىن كومپانيا سۇرانىسى از تالگونىڭ كوممەرتسيالىق ەكى جولاۋشىلار پويىزىن ۋاقىتشا توقتاتۋ تۋرالى شەشىم قابىلداپ وتىر.

ولار: - № 69/70 «الماتى-2 - وسكەمەن-1» باعىتى (الماتى-2 دەن 1 -تامىزدا شىعىپ، وسكەمەن-1-گە 2 -تامىزدا جەتەتىن)؛

- № 69/70 «الماتى-2 - ورال» باعىتى (الماتى-2-دەن 2 -تامىزدا شىعىپ، ورالعا 4 -تامىزدا جەتەتىن)؛

ءدال وسى باعىتتا بۇرىن بيلەت الىپ قويعان ازاماتتار ونىڭ اقشاسىن تولىق قايتارىپ الا الادى.

اقشانى بيلەت الۋ ادىسىنە قاراي قولما- قول دا، اۋدارىم ارقىلى دا قايتارۋعا مۇمكىندىك بار. قوسىمشا پويىز باعدارلارى تۋرالى «105» نومىرىنە حابارلاسىپ، بىلۋگە بولادى.

«ۇلتتىق تاسىمالداۋشى قابىلدانعان شارالارعا تۇسىنىستىكپەن قاراۋعا، كوروناۆيرۋس ينفەكتسياسى تارالىپ تۇرعان كەزەڭدە سانيتارلىق- ەپيدەميولوگيالىق تالاپتاردى ساقتاۋعا، الدىن الا الىنعان بيلەتتەر بويىنشا باعدارلاردى باقىلاۋعا شاقىرادى» ، - دەپ حابارلايدى كومپانيادان.