بالالارىڭىزعا اباي بولىڭىزدار!

نۇر-سۇلتان. قازاقپارات - بالالاردى ارام پيعىلدى پەدوفيلدەن قورعاۋ ءۇشىن نە ىستەمەك كەرەك؟

اتا- انالاردى مازالايتىن بۇل ساۋال بۇگىن عانا قويىلىپ وتىرعان جوق، دەپ حابارلايدى «حابار 24».

دەگەنمەن ءىستى بولعانداردىڭ دەرەك قورى الدەقاشان قۇرىلعانىن ءبىرى بىلسە، ەندى ءبىرى بىلمەيدى. ق ر باس پروكۋراتۋراسىنىڭ بۇيرىعىمەن 2015 -جىلى جاسالعان ينتەراكتيۆتى كارتادا كامەلەتتىك جاسقا تولماعاندارعا الىمجەتتىك كورسەتكەنى ءۇشىن سوتتالعان ازاماتتاردىڭ سۋرەتى، اتى- ءجونى، تىركەلگەن مەكەنجايى كورسەتىلگەن. وسىلايشا، اقپاراتتىق سەرۆيستەن قاي وڭىردە قانشا ادامنىڭ ءىستى بولعانىن، سونداي- اق تۇرمەدەن شىققان- شىقپاعانىن بىلۋگە بولادى. قازىرگى تاڭدا قىلمىسكەرلەر كارتاسىندا 217 ادامنىڭ دەرەگى ۇسىنىلعان. ولاردىڭ كەيبىرى جازاسىن وتەپ جاتسا، كەيبىرى بوستاندىققا شىعىپ ۇلگەرگەن.