«ماسكا تاعىڭىزدار»: اكسيانى بلوگەرلەر مەن قوعام قايراتكەرلەرى قولدادى - فوتو
بۇل باستامانى ەرىكتىلەر كوتەرگەن. ولار جولدا ءوتىپ بارا جاتقان كولىكتەرگە «ماسكا تاعىڭىز» دەگەن جاپسىرمانى تاراتىپ جاتىر. بۇل باستامانى بلوگەرلەر بەيبىت الىبەكوۆ پەن قايرات قۇدايبەرگەن قولدادى.
«اكسيا ماقساتى - قالا تۇرعىندارى مەن جاستارىن ماسكا تاعۋعا ۇندەۋ. بۇل ءار ادامنىڭ جاۋاپكەرشىلىگى بولۋى كەرەك. بۇل اكسيانى تەك الماتىدا عانا ەمەس، بۇكىل رەسپۋبليكا بويىنشا چەللەندج ەتىپ تاراتساق دەگەن ماقساتىمىز بار»، - دەيدى شتاب ۇيلەستىرۋشىسى الما اۋعانبايەۆا.
ونىڭ ايتۋىنشا، 19-ناۋرىزدا توتەنشە جاعداي جاريالانعالى بەرى قازاقستانداعى بارلىق ەرىكتىلەر، ۇيىمدار بىرىككەن.
«مەنىڭ ويىمشا، بۇگىنگى اكسيا وتە ماڭىزدى. مەن ءوزىم كوروناۆيرۋسپەن اۋىرىپ تۇرعان سوڭ مۇنىڭ بارلىعىن تۇسىنەمىن. مەنىڭ جۇبايىم، اتام، اجەم - بارلىعى اۋىرىپ جاتىر. گيگيەنالىق نورمالاردى ساقتامايتىن ادامدار وسىنداي ءالجۋاز توپتاردىڭ جۇقتىرۋىنا ىقپال ەتەدى»، - دەدى قايرات قۇدايبەرگەنوۆ.
