بيىل قۇربان ايت نامازى وقىلمايدى - باس ءمۇفتي

نۇر-سۇلتان. قازاقپارات – 31-شىلدە كۇنى قازاقستان مەشىتتەرىندە قۇربان ايت نامازى وقىلمايدى.

بۇل تۋرالى قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ناۋرىزباي قاجى تاعان ۇلى مالىمدەدى، دەپ حابارلايدى قازاقپارات ءتىلشىسى.

«اللا قالاسا، بيىلعى قۇربان ايت مەرەكەسى عۇلامالار كەڭەسىنىڭ بەكىتۋىمەن 31-شىلدە، 1-2-تامىز كۇندەرىنە سايكەس كەلىپ تۇر. الايدا ەلىمىزدەگى كارانتين مەرزىمى 2-تامىزعا دەيىن ۇزارتىلعاندىقتان، رەسپۋبليكا بويىنشا مەشىتتەر جابىق بولادى. وسىعان بايلانىستى 31-شىلدە كۇنى قۇربان ايت نامازى وقىلمايدى»، - دەدى باس ءمۇفتي ورتالىق كوممۋنيكاتسيالار قىزمەتىندە.

بۇعان دەيىن ق م د ب ءتوراعاسى قۇربان ايت قارساڭىندا حالىققا ۇندەۋ جاساعان ەدى.