قازاقستاندا جاڭا ءوندىرىستى قولدايتىن سايت اشىلدى
نۇر-سۇلتان. قازاقپارات - قازاقستاندىق كاسىپكەرلەر مەن تاۋار وندىرۋشىلەر svoyzavod.kz سايتىندا جاڭا وندىرىستەر قۇرۋ باعدارلاماسىنا قاتىسا الادى.
بۇل تۋرالى «سامۇرىق- قازىنا» ۇلتتىق ءال-اۋقات قورى» ا ق باسقارما ءتوراعاسىنىڭ ورىنباسارى الىشەر پىرمەتوۆ مالىمدەدى، دەپ حابارلايدى قازاقپارات.
Samruk Akparat الاڭىندا وتكەن ونلاين بريفينگتە سپيكەر جاڭا ءوندىرىس باعدارلامالارىن قولداۋ ماقساتىندا svoyzavod.kz سايتى اشىلعانىن حابارلادى. بۇل سايتتا قازاقستاندىق كاسىپكەرلەر مەن تاۋار وندىرۋشىلەر جاڭا ءوندىرىس قۇرۋ باعدارلاماسىنا قاتىسۋعا ءوتىنىم بەرە الادى.
سايتتى پايدالانۋشى ەكى باعىت بويىنشا ءوتىنىم بەرە الادى: ەگەر تاۋار الاڭدا بولسا، وتىنىشتەردىڭ ۇلگىسىن كوشىرىپ الىپ، و ف ف- تەيك شارتتار جاساسۋ ءۇشىن ءوتىنىم جاساۋ قاجەت. ال ەگەر تاۋار الاڭدا بولماسا نەمەسە ەلدە ءوندىرىس بالاماسى بولماسا، ۇلگىنى جۇكتەپ الىپ، يمپورتتى الماستىرۋدى قوسۋ ءوتىنىمىن تىركەۋ قاجەت.
«سونىمەن بىرگە، سايتقا كىرۋشى ۇسىنىلعان بولىمدەردە كومپانيالار توبى قاجەت ەتىپ وتىرعان تاۋارلار الاڭى تۋرالى، وفف- تەيك كەلىسىمشارتى مەحانيزمى تۋرالى اقپاراتتى زەردەلەي الادى جانە ءجيى قويىلاتىن سۇراقتارعا جاۋاپ جانە جۇزەگە اسىرىلعان جوبالار تۋرالى اقپارات الا الادى» ، - دەپ ءتۇسىندىردى «سامۇرىق- قازىنا» ۇ ءا ق» ا ق باسپا ءسوز ورتالىعىنىڭ جەتەكشىسى ايگۇل قاسەنوۆا.
