ەكى الىپ: مايك تايسون مەن روي دجونس جەكپە-جەگىنىڭ وتەتىن كۇنى بەلگىلى بولدى

نۇر- سۇلتان. قازاقپارات - مايك تايسون مەن كىشى روي دجونستىڭ جەكپە-جەگى 12- قىركۇيەكتە كاليفورنيادا (ا ق ش) وتەدى، دەپ حابارلايدى قازاقپارات sports.kz سايتىنا سىلتەمە جاساپ.

جەكپە-جەك 8 راۋند فورماتىندا بولادى. ءساۋىر ايىنىڭ سوڭىندا تايسون رينگىگە ورالۋعا نيەتتى ەكەنىن حابارلاعان ەدى.

54 جاستاعى امەريكالىقتىڭ ەسەبىندە 50 جەڭىس (44 نوكاۋت)، 6 جەڭىلىس بار، تاعى ەكى جەكپە-جەك وتپەدى دەپ تانىلدى.

ونىڭ سوڭعى ايقاسى 2005-جىلدىڭ 11- ماۋسىمىندا ءوتتى. وندا امەريكالىق بوكسشى يرلاندىق كيەۆين ماكبرايدتان جەڭىلىپ قالعان بولاتىن. 50 جاستاعى دجونس 2018-جىلى سپورتتاعى كارەراسىن اياقتاعان ەدى. ونىڭ قورجىنىندا 66 جەڭىس (47 نوكاۋت) پەن 9 جەڭىلىس بار.