كارانتينگە قاراماستان مەيرامحانادا اس بەرگەندەر جاۋاپقا تارتىلدى

اقتوبە. قازاقپارات - اقتوبە پوليتسياسى وبلىستىڭ باس سانيتار دارىگەرىنىڭ قاۋلىسى اياسىندا تەكسەرۋ جۇرگىزدى.

اۆتوبۋس ىشىنە ادامداردى بەلگىلەنگەن شەكتەن كوپ مىنگىزگەن جانە مەيرامحانادا اس بەرگەندەر جازالاندى، دەپ حابارلايدى قازاقپارات ءتىلشىسى.

اقتوبەگە رەسەي مەن وزبەكستاننان گۋمانيتارلىق كومەك جەتتى كارانتين تالاپتارى بويىنشا قازىر جولاۋشى تاسىمالدايتىن اۆتوبۋستىڭ تەڭ جارتىسىنا عانا ادام وتىرعىزۋعا رۇقسات. بۇل تۋرالى وبلىستىڭ باس مەملەكەتتىك سانيتار دارىگەرىنىڭ قاۋلىسى بار. ال قوبدا اۋدانى ارقىلى كەتىپ بارا جاتقان اۆتوبۋستىڭ ءىشى ادامعا تولى بولعان. پوليتسيا قازىر وسى جاعداي بويىنشا تەكسەرۋ جۇمىستارىن جۇرگىزىپ جاتىر.

«اقتوبە وبلىستىق پوليتسيا دەپارتامەنتى پاترۋلدىك پوليتسيا روتاسىنىڭ قىزمەتكەرلەرى قوبدا اۋدانىنىڭ اۋماعىندا اۆتوبۋستى توقتاتتى. سالون ىشىندە بولعان 42 وزبەكستان ازاماتىنىڭ اتىراۋدان شىمكەنت قالاسىنا بارا جاتقانى انىقتالدى. ق ر ا ق ب ك «حالىقتىڭ سانيتارلىق-ەپيدەميولوگيالىق سالاۋاتتىلىعى سالاسىنداعى زاڭناما تالاپتارىن، سونداي-اق گيگيەنالىق نورماتيۆتەردى بۇزۋ» بابى بويىنشا جۇرگىزۋشىگە 20 ا ە ك كولەمىندە ايىپپۇل سالىندى. سونداي-اق قوبدا پوليتسيا ءبولىمىنىڭ ۋچاسكەلىك پوليتسيا ينسپەكتورى اۋىلداردىڭ بىرىندە كارانتين شەكتەۋىنە قاراماستان، مەيرامحانادا ساداقا، اس بەرۋ وتكىزگەنىن انىقتادى. مەيرامحاناعا 60 قا جۋىق ادام جينالعان. ق ر ا ق ب ك «حالىقتىڭ سانيتارلىق-ەپيدەميولوگيالىق سالاۋاتتىلىعى سالاسىنداعى زاڭناما تالاپتارىن، سونداي-اق گيگيەنالىق نورماتيۆتەردى بۇزۋ» بابى بويىنشا مەيرامحانا يەسى اكىمشىلىك جاۋاپقا تارتىلدى.

ماتەريال زەردەلەۋ ماقساتىندا سانيتارلىق-ەپيدەميولوگيالىق قىزمەتكە جىبەرىلدى»، - دەلىنگەن حابارلامادا.