تۇركىستان وبلىسىندا پنيەۆمونياعا شالدىققان قوس انا سابيلەرىن امان-ەسەن بوساندى

تۇركىستان. قازاقپارات - تۇركىستان وبلىسىندا پنيەۆمونياعا شالدىققان قوس انا دارىگەرلەردىڭ كومەگىمەن سابيلەرىن امان-ەسەن بوسانىپ الدى.

ولارعا دارىگەرلەر تاراپىنان ءتيىستى شارالاردىڭ بارلىعى جاسالىپ، جاعدايلارىنا قاراي ەم-دوم قابىلداۋدا، دەپ حابارلايدى قازاقپارات ءتىلشىسى.

وبلىستىق قوعامدىق دەنساۋلىق باسقارماسىنىڭ مالىمەتىنشە، تۇركىستان وبلىستىق 3№ پەريناتالدىق ورتالىعىندا ورتا ەسەپپەن كۇنىنە 25 جانە جىلىنا 10 مىڭعا جۋىق انا بوسانادى.

پاندەمياعا بايلانىستى جۇكتى ايەلدەر دە دارىگەر قاراۋىنا ءجيى تۇسۋدە. سولاردىڭ ءبىرى 28 جاستاعى اقبوتا بيمەنوۆادان دياگنوستيكالىق تەكسەرىس ناتيجەسىندە ەكى جاقتى پوليسەگمەنتارلى پنيەۆمونيا انىقتالعان.

تىنىس الۋ جولدارىنىڭ ناشارلاۋىنا بايلانىستى جۇكتى ايەلگە كەسار تىلىگىمەن جەدەل تۇردە وپەراتسيا جاسالىپ، 31 اپتا بولعان نارەستە امان-ەسەن دۇنيەگە كەلدى. مەرزىمىنەن بۇرىن بوساندىرعانىنا قاراماستان، دارىگەرلەر ەكەۋىنىڭ دە جاعدايى جاقسى دەپ وتىر. اناسىنىڭ تىنىس الۋى مەن وكپە قابىنۋى وپەراتسيادان كەيىن كەيىن جاقسارا باستاعان.

ول پروۆيزورلىق بولىمدە پروتوكولعا ساي ەم قابىلداۋدا. ال، 32 جاستاعى مانسايا مۋيدينوۆا ەكى جاقتى تومەنگى بولىكتى پنيەۆمانيامەن جانساقتاۋ بولىمىنە تۇسكەن. وبلىستىق پەريناتالدىق ورتالىقتىڭ دارىگەرلەرى جۇكتى ايەلدىڭ جاعدايىن قاتاڭ باقىلاۋ الىپ، مەرزىمىنەن بۇرىن، 32 اپتادان اسقاندا بوساندىرىپ العان.

تىنىس الۋ جولدارىنىڭ قابىنۋى انانىڭ جاعدايىن قاتتى قيىنداتقانىمەن، ول بالاسىن بوسانىپ الدى، جانە نارەستەنىڭ دەنى ساۋ. بوسانعاننان كەيىن جاس انا ەمدەلۋ ءۇشىن پروۆيزورلىق ستاتسيونارعا جاتقىزىلعان.