ءبىر ميلليوننان استاپ تۇرعىنى بار شىمكەنتتەگى ەپيدەميولوگيالىق جاعداي قانداي

شىمكەنت. قازاقپارات - شىمكەنتتەگى ەپيدەميولوگيالىق جاعداي تۇراقتالىپ، ناۋقاستارعا قاجەتتى مەديتسينالىق كومەك بەرىلۋدە.

قالادا 4554 كوروناۆيرۋس جاعدايى تىركەلىپ، ودان 2857 ناۋقاس جازىلىپ شىققان، دەپ حابارلايدى قازاقپارات ءتىلشىسى.

قالالىق دەنساۋلىق ساقتاۋ باسقارماسىنىڭ سوڭعى مالىمەتىنشە، وتكەن تاۋلىكتە كوروناۆيرۋس ينفەكسياسىن بويىنشا 36 ادامنىڭ جۇقتىرعانى انىقتالعان.

اتالعان باسقارمانىڭ باسشىسىنىڭ مىندەتىن اتقارۋشىسى تيميرحان ۆارزيلوۆتىڭ ايتۋىنشا، اعىمداعى جىلدىڭ 1-قاڭتارى مەن 23-شىلدە ارالىعىندا قالادا 12595 پنيەۆمونيا جاعدايى تىركەلگەن.

بۇگىنگە دەيىن پنيەۆمونيا دەرتىنەن جازىلىپ شىققان ناۋقاستاردىڭ سانى - 10263. دەرتىنەن ساۋىققانداردىڭ باسىم بولىگى ەگدە جاستاعى ازاماتتار.

«قازىرگى تاڭدا قالا بويىنشا ينفەكسياعا شالدىققان ناۋقاستاردى ەمدەۋ ءۇشىن 3860 توسەك- ورىن بار. ولاردىڭ 650 - ينفەكسيالىق، 3210 - پروۆيزورلىق بولىپ تابىلادى. مەديتسينالىق مەكەمەلەردە بۇگىندە 2348 توسەك- ورنى بوس. ياعني، 286 - ينفەكسيالىق، 1226 - پروۆيزورلىق ورتالىقتاردا. ينفەكسيالىق ستاتسيونار توسەكتەرىنىڭ جەتكىلىكتىگى %44 بولسا، پروۆيزورلىق ستانتسيونارلاردىڭ تولىمدىعى %38,2 پايىزدى قۇرايدى. اۋىر دارەجەدەگى ناۋقاستار ءۇشىن ينفەكسيالىق ستاتسيونارلاردا 60 رەانيماتسيالىق توسەك، پروۆيزورلىق ستاتسيونارلاردا 91 توسەك بار. رەانيماتسيالىق توسەكتەردىڭ تولىمدىلىعى - %70,9.

سونداي-اق، العاشقى مەديتسينالىق- سانيتارلىق كومەك ۇيىمدارىنىڭ بازاسىندا قوسىمشا 628 توسەكتىك كۇندىزگى ستاتسيونار ۇيىمداستىرىلعان» ، - دەدى ت. ۆارزيلوۆ. قالادا ءدارى-دارمەك قورى دا جەتكىلىكتى بولىپ وتىر. قالانىڭ مەديتسينالىق مەكەمەلەرىندە بۇگىنگى كۇنى 339 وكپەنى جاساندى جەلدەتۋ اپپاراتى (ي ۆ ل)، 673 «بوبروۆ» تىنىس الۋ اپپاراتتارى قولدانىستا بار. قوسىمشا 2 اۋرۋحانادا وتتەگى ستانتسياسىن ىسكە قوسۋ بويىنشا جۇمىستار جۇرگىزىلۋدە. سالا ماماندارىنىڭ سوزىنشە، مەديتسينالىق ۇيىمدار قوسىمشا ەكى ايعا جەتەتىن ءدارى- دارمەكپەن قامتىلعان.

ماسەلەن، قازىر ءدارى- دارمەكتەر قورىندا تەمپەراتۋرانى تومەندەتەتىن پرەپاراتتار سانى - 328027 قۇرايدى. سونداي- اق قوردا ۆيرۋسقا قارسى پرەپاراتتاردىڭ 70570 داناسى، 135059 انتيبيوتيكتەر، 79800 انتيكوگۋليانتتار، 110532 دانا ەمگە قاجەتتى ۆيتاميندەر بار. شىمكەنتكە شەتەلدەن 3 ميلليونعا جۋىق قۇتىداعى ءدارى- دارمەك تە جەتكىزىلدى.

قالا اكىمى مۇرات ايتەنوۆتىڭ ايتۋىنشا، ءدارى تۇراقتىلىعىن ساقتاۋ ماقساتىندا ءۇندىستان، رەسەي، ۋكراينا مەن وزبەكستان ەلىنەن 2 ميلليون 676 مىڭ فلاكون ءبىرىنشى كەزەكتەگى ءدارى- دارمەك تاسىمالدانعان. سونداي- اق، مۇرات ايتەنوۆتىڭ ءدارى- دارمەكپەن قاتار شەتەلدەن 16 ميلليون 700 مىڭ ماسكا دا جەتكىزىلگەنىن اتاپ ءوتتى. قالادا كوتەرمە ءدارى- دارمەك ساتۋمەن اينالىساتىن 10 ءىرى فارمكومپانيا جانە 560 ءدارىحانا بار بولسا، اتالعان فارمكومپانيالارعا شەتەلدەن ءدارى- دارمەك الىپ كەلۋگە ءبىر جولعى رۇقسات بەرىلگەنىن جەتكىزدى.

«مەملەكەت باسشىسىنىڭ حالىقتى ءدارى- دارمەكپەن قامتۋ جونىندەگى تاپسىرماسىنا سايكەس قالادا ءتورت مونيتورينگ توبى قۇرىلىپ، 348 ءدارىحاناعا تەكسەرۋ جۇرگىزىلدى. ناتيجەسىندە زاڭسىز ءدارى- دارمەك ساتۋمەن اينالىسقان 50 دەرەك انىقتالدى. ونىڭ ىشىندە 12 قىلمىستىق ءىس تىركەلىپ، تەرگەۋ امالدارى باستالدى»، - دەدى قالا باسشىسى.

شىمكەنتتە كوروناۆيرۋس تۋرالى ناقتى اقپارات تاراتاتىن ارنايى سايت تا اشىلدى. مۇندا قالا تۇرعىندارى ك ۆ ي بويىنشا جەدەل ستاتيستيكامەن تانىسىپ، ءتيىستى اقپاراتتار الا الادى.

ماماندار اتالعان سايتتا COVID-19، پنيەۆمونيا جانە ج ر ۆ ي- مەن اۋىراتىن ناۋقاستار سانى مەن تاۋلىك ىشىندە اۋرۋحاناعا تۇسكەنىن، جازىلىپ كەتكەن شىققان ناۋقاستار جايلى اقپارات جاريالانۋدا. سونىمەن قاتار بۇگىندە قالاداعى كاسىپكەرلەر مەن ءىرى كومپانيالار دا دەمەۋشىلىك جاساپ، مەديتسينالىق ۇيىمدارعا قاجەتتى قۇرال جابدىقتاردى الىپ بەرۋدە.

ماسەلەن، بۇگىن «BI GROUP» قۇرىلىس كومپانياسى مەديتسينا مەكەمەلەرىنە كەزەكتى رەت كومەك كورسەتتى. اتالمىش كومپانيا شىمكەنت قالاسىناداعى پروۆيزورلىق ستانتسيونارلارعا 82 دانا وتتەگى كونسەنتراتورىن جەتكىزدى. بۇل قۇرىلعى COVID-19 ينفەكسياسى مەن پنيەۆمونيا اۋرۋىنا شالدىققان اۋىر حالدەگى ناۋقاستاردى ەمدەۋگە ارنالعان. قۇرىلعىنىڭ 10 داناسى «اسار» شاعىن اۋدانىنداعى جۇقپالى اۋرۋلار ورتالىعىنا تابىستالدى. قازىر بۇل جۇقپالى اۋرۋلار ورتالىعىندا كوروناۆيرۋس ينفەكسياسىنا شالدىققان 140 ناۋقاس ەم الىپ جاتىر. دارىگەرلەر سوڭعى ەكى اپتادا سىرقاتتار سانىنىڭ ايتارلىقتاي ازايعاندىعىن ايتۋدا.

«كورونوۆيرۋسقا قارسى كۇرەستە دارىگەرلەرگە قول ۇشىن بەرۋ ءۇشىن ەلىمىزدەگى وبلىس ورتالىقتارىنا، اۋدان- قالالارىنا 1000 دانا وتتەگى كونسەنتراتورى اپپاراتىن جەتكىزىپ جاتىرمىز. ونىڭ ىشىندەگى 82 سىن ارنايى شىمكەنت قالاسىنا الىپ كەلدىك. قازىرگى كەزدە وكپەسى قابىنعان ناۋقاستار وتتەگى جەتپەي قينالۋدا. ەندى بۇل اپپاراتتار سىرقاتتانعان جاننىڭ ءومىرىن ساقتاپ قالۋعا ىقپال ەتپەك. اپپاراتتاردى كومپانيا توپ باسشىلارى مەن سەرىكتەستىك وكىلدەرى ءوز قاراجات ەسەبىنەن ساتىپ الىپ، اۋرۋحانالارعا تابىستاۋدا»، - دەيدى كومپانيا وكىلى ايدىن مايۋسوۆ.

ايتا كەتەيىك، بۇعان دەيىن BI Group كاسىپورىنى قالاداعى اۋرۋحانالارعا رەسەيدە جاسالعان وتتەگى كونتسەنتراتورلارىنىڭ ەڭ وزىق جانە ءتيىمدى اپپاراتتارىن تارتۋ ەتكەن بولاتىن.

ال، كۇنى كەشە «پەتروقازاقستان ويل پروداكس» ج ش س مەن «شىمكەنت - قايىرىمدى قالا» الەۋمەتتىك قورى بىرلەسىپ، Covid-19 ينفەكسياسىمەن كۇرەستىڭ الدىڭعى ساپىندا جۇرگەن مەديتسينالىق ۇيىمعا گۋمانيتارلىق كومەك كورسەتتى. اتالمىش كومپانيا وكىلدەرى № 2-قالالىق اۋرۋحاناعا قاراستى پروۆيزورلىق ستانتسيونارعا 10 مىڭ مەديتسينالىق بەتپەردە مەن 1 مىڭ دانا قورعانىش كيىمدەرىن جەتكىزگەن ەدى.