ءومىرى شىتىرمانعا تولى ەرنەست حەمينگۋەي
سوعان وراي جازۋشى جايلى قىزىقتى دەرەكتەردى ۇسىنامىن:
• اۋقاتتى وتباسىندا تۋعان. اكەسى دارىگەر، شەشەسى وپەرا ءانشىسى.
• ەرنەستتىڭ اتىن ناعاشى اتاسىنىڭ قۇرمەتىنە قويعان. ءبىراق جازۋشىنىڭ ءوزى بۇل ەسىمىن ەشقاشان ۇناتپاعان.
• بالا كۇنىندە شەشەسى ونى قىز سياقتى كيىندىرىپ، شاشىن العاش رەت التى جاسىندا العان. «قۋىرشاق» دەپ ەركەلەتكەن. جازۋشىنىڭ ءوزى ءبىر سۇحباتىندا شەشەسىن جەك كورگەنىن ايتادى.
• اكەسى بالالارىن بەلبەۋمەن سابايتىن بولعان. ۇلىن ءتورت جاسىنان اڭعا شىعۋعا، بالىق اۋلاۋعا ۇيرەتەدى. وسىلاي وسكەن ەرنەست ءومىر بويى جابايى تابيعاتقا ساياحاتتاعاندى جاقسى كورگەن.
• العاشقى قارۋىن اتاسى 12 جاسىندا سىيعا تارتقان. اتاسىنىڭ ەرتەگىسىن تىڭداپ وسكەن.
• ءوز ايتقانىن ىستەيتىن بىربەتكەي، قىرسىق بالا بولعان.
• جازۋعا وتىرعان كەزىندە جاڭعاق مايى مەن پياز قوسىلعان بۋتەربرود جەگەندى ۇناتىپتى. ءوزى دە تاماقتى ءدامدى ازىرلەگەن. ءتىپتى گازەتكە الما پيروگىنىڭ رەتسەپتىسىن دە جاريالاعان.
• شىعارمالارىنىڭ كوبىسىن جاتىن بولمەسىندە جازعان. تىكەسىنەن تىك تۇرىپ جۇمىس ىستەگەندى ۇناتقان. ءبىر كۇندە جەتى قارىنداش تاۋىساتىن كەزدەرى بولعان.
• كوپشىلىك الدىنا شىعىپ ءسوز سويلەۋدەن قاتتى قورقىپتى. وقىرمانى مەن سىنشىلاردىڭ ماقتاۋى مەن ماداعىنا سەنبەگەن.
• اۆتوگراف بەرۋدى مۇلدە ۇناتپاعان. بىردە ءۇش اي بويى سوڭىنان قالماي قويعان وقىرمانىنا «جوق» دەگەندى تۇسىنبەيتىن ءيتتىڭ بالاسىنا« دەپ قولتاڭبا بەرگەن ەكەن.
• بىردە ءوزى ءجيى باراتىن كافەدەن دارەت سىندىراتىن پيسسۋاردى ۇرلاپ اكەتىپ، ۇيىنە ورناتىپ العان. كەيىن «ول كافەدە كوپ اقشا شاشقانىن، سوندىقتان ول زاتتى الۋعا قۇقىلى» ەكەنىن ايتقان.
• تەڭىزدەن بالىق اۋلاعاندى ەرەكشە جاقسى كورگەن. اۋىن اكۋلالاردان قورعاۋ ءۇشىن كاتەرىنە پۋلەمەت ورناتادى. ءبىر كۇندە جەتى مارلين اۋلاپ، الەمدىك رەكورد جاڭارتقان.
• شىعىس افريكاداعى سافاريلەردە ۇزاق ۋاقىت اڭ اۋلاۋدى ۇناتقان. 3 ارىستان، 27 انتيلوپا مەن بۋيۆول اۋلاعان.
• كەڭەس اگەنتتەرىمەن جۇمىس ىستەسىپ، «ارگو» دەگەن اگەنت اتىن العان. ءبىراق اگەنت بولىپ جارىتپاعان.
• مىسىقتى جاقسى كورگەن. التى تىرناعى بار سنەجوك اتتى سۇيىكتى مىسىعى بولعان.
• ايەل زاتىنىڭ نازارىنان كەندە بولماعان. دوستارى مەن تانىستارىنا قانشا كوڭىلدەسى بار ەكەنىن، اۋقاتتى ارۋلارمەن كوڭىل جاراستىرعانىن ايتىپ ماقتانعاندى ۇناتىپتى. قورعاۋدى قاجەت ەتپەيتىن، سافاريگە بىرگە شىعاتىن مىقتى ايەلدەردى ۇناتقان دەسەدى.
• ءتورت رەت ۇيلەنىپ، ءتورت ايەلىنە ءبىر ءبىر كىتاپ ارناعان. ءبىرىنشى ايەلى حەدلي ريچاردسونعا - «ۆوسحوديت سولنتسە» )كۇن شىعادى ( ، ەكىنشى ايەلى پاۋلين پفايففەرگە - «سمەرت پوسلە پولۋدنيا» )كۇندىز ءولىم ( ، ءۇشىنشى ايەلى مارتا گەللحورنعا - «پو كوم زۆونيت كولوكول» )كىمگە قوڭىراۋ شالۋ ( ، مەري ۋەلشكە - «زا رەكوي ۆ تەني دەريەۆيەۆ» )وزەننىڭ بويىندا اعاشتاردىڭ كولەڭكەسىندە ( .
• ءومىر بويى ءوزىن باقىتسىزدىق قورشاپ جۇرگەندەي سەزىنگەن. اكەسى، اعاسى مەن اپكەسى، نەمەرەسى ءوز وزدەرىنە قول سالىپ قازا تاپقان.
• ومىرىندە ءسىبىر جاراسى، بەزگەك، تەرى راگى، پنيەۆمونيا، سۋسامىرمەن، گەپاتيتپەن، گيپەرتونيامەن اۋىرعان.
• ءومىرىنىڭ سوڭعى جىلدارىندا پارانوياعا شالدىعىپ، ءوزىن ف ب ر اڭدىپ جۇرگەنىنە سەنىمدى بولعان. ءتىپتى اۋرۋحانادا ەمدەلىپ جاتقاندا دا دوسىنا حابارلاسىپ، ەمحانادا تىڭداۋ قۇرىلعىلارى ورناتىلعانىن ايتادى. 50 جىلدان كەيىن شىنىندا جازۋشىنىڭ سوڭىنا اڭدۋ سالىنعانى انىقتالادى.
• 1961 -جىلى، اۋرۋحانادان شىققاننان كەيىن ءوزىنىڭ قوساۋىز مىلتىعىنان ءوز-وزىنە وق اتىپ، كوز جۇمادى. وسى ماركالى قارۋعا كەيىن جازۋشىنىڭ اتى بەرىلگەن.
P. S. نۋمەرولوگياسى: اسقان تالانت يەسى. ماتريتساسىندا باسقا قاسيەتى ەمەس، ءدال وسى قارىم- قابىلەتى ايقىن كورىنەدى. باقتى دا، تالانتتى دا ءۇيىپ- توگىپ بەرگەن. ماقساتشىل، كەكشىل، اشۋشاڭ، ۇشقالاق. رۋحاني جاعىنان دا، فيزيكالىق جاعىنان دا بىردەي دامىعان. ءبىراق پسيحولوگيالىق تۇرعىدان دا، فيزيكالىق تۇرعىدان دا ءتوزىمسىز. ەموتسياسى تۇراقسىز. قولىندا اقشا تۇرمايدى. قارا جۇمىس پەن قاراجاتقا ەپسىز. جۇلدىزى - شايان.
اقبوتا ءابىلتايدىڭ facebook پاراقشاسىنان الىندى
