قىتايدىڭ تاعى ءبىر وڭىرىندە كوروناۆيرۋستىڭ وشاعى انىقتالدى

بەيجىڭ. قازاقپارات - قىتايدىڭ ءۇشىنشى وڭىرىندە كوروناۆيرۋستىڭ جاڭا وشاقتارى انىقتالدى، دەپ حابارلايدى قازاقپاراتتىڭ قىتايداعى ءتىلشىسى.

قىتايدىڭ سولتۇستىگىندەگى تەڭىز جاعالاۋىندا ورنالاسقان لياونيڭ پروۆينسياسىنداعى داليان قالاسىندا كوروناۆيرۋستىڭ 16 جاعدايى انىقتالدى، ونىڭ 12 كلينيكالىق بەلگىلەرى جوق.

جەرگىلىكتى ب ا ق-تىڭ حابارلاۋىنشا، كوروناۆيرۋس وشاعى تەڭىز ونىمدەرىن وڭدەيتىن كاسىپورىن قىزمەتكەرلەرىنەن شىققان. قازىر كاسىپورىن جۇمىس ىستەمەي تۇر. قازىردىڭ وزىندە كاسىپورىنعا جاقىن ماڭدا تۇراتىن 190 مىڭ ادام ۆيرۋسقا قارسى تەستەن وتكەن.

ايتا كەتسەك، لياونيڭ پروۆينسياسى كوروناۆيرۋستىڭ جاڭا وشاعى تىركەلگەن بەيجىڭ مەن شىڭجاننان كەيىنگى ءۇشىنشى ءوڭىر.