پرەزيدەنت ۇكىمەت باسشىسىنا اۋىلداردى قاجەتتى ءدارى-دارمەكتەرمەن قامتاماسىز ەتۋدى تاپسىردى
مەملەكەت باسشىسى پرەمەر-ءمينيستردىڭ ەلىمىزدەگى ەپيدەميولوگيالىق احۋالدى تۇراقتاندىرۋ جانە الەۋمەتتىك- ەكونوميكالىق دامۋ تۋرالى ەسەبىن تىڭدادى.
«ەلىمىزدەگى كوروناۆيرۋس جۇقتىرعانداردىڭ سانى 2,1 پايىزعا تومەندەگەنىن، اۋرۋحانالارداعى ىندەتكە شالدىققان ازاماتتارعا ارنالعان جالپى توسەك- ورىننىڭ 30,4 مىڭنان 49,7 مىڭعا دەيىن كوبەيگەنىن، رەانيماتسياداعى ورىندار 12 پايىزعا، ستانتسيونارداعى توسەك- ورىندار 25 پايىزعا ازايعانىن ايتتى. سونداي- اق COVID-19 ىندەتىنەن جازىلىپ شىققاندار 63 پايىزعا ارتىپ، جەدەل- جاردەم شاقىرتۋشىلار سانى 31 پايىزعا تومەندەگەن»، - دەدى اسقار مامين.
ۇكىمەت باسشىسى قازاقستان پرەزيدەنتىنە بارلىق وڭىرلەردەگى تۇراقتاندىرۋ قورى قاجەتتى ءدارى- دارمەكتەر مەن مەديتسينالىق قۇرال- جابدىقتارمەن تولىقتىرىلىپ، اۋرۋحانالاردى وكپەنى جاساندى جەلدەتۋ جانە وتتەگى كونسەنتراتورلارىمەن قامتاماسىز ەتۋ جۇمىستارى ءجۇرىپ جاتقانىن جەتكىزدى. اسقار مامين قاسىم-جومارت توقايەۆقا شەكتەۋ شارالارى كەزىندە كاسىپكەرلىك سۋبەكتىلەرىن قولداۋ، جۇمىسپەن قامىتۋ جانە ەلىمىزدىڭ الەۋمەتتىك- ەكونوميكالىق دامۋىنا قاتىستى وزەكتى ماسەلەلەر جونىندە ايتتى.
مەملەكەت باسشىسى پرەمەر-مينيسترگە ايماقتاردى، اسىرەسە، اۋىلداردى قاجەتتى ءدارى- دارمەكتەرمەن جانە مەديتسينالىق قۇرال- جابدىقتارمەن قامتاماسىز ەتۋدى تاپسىردى. پرەزيدەنتتىڭ ايتۋىنشا، پاندەميا كەزىندە جانە ودان كەيىنگى ۋاقىتتا ۇكىمەتتىڭ الدىندا ەكونوميكانىڭ جوسپارلى دامۋىن قامتاماسىز ەتىپ، ازاماتتاردىڭ الەۋمەتتىك قاجەتتىلىكتەرىن قاناعاتتاندىرۋ مىندەتى تۇر.
قازىرگى ۋاقىتتا جاڭا ەكونوميكالىق باعىتتى ازىرلەۋ جۇمىستارى ءجۇرىپ جاتىر. ول مەملەكەت باسشىسىنىڭ الداعى جولداۋىنىڭ نەگىزگى بولىگىن قۇرايتىن بولادى.
