الاكولدە ۇيرەكتەردىڭ قىرىلۋى: تەكسەرىس قورىتىندىسى جاريالاندى

نۇر-سۇلتان. قازاقپارات - «قازگيدرومەت» ر م ك الاكولدەگى جابايى قۇستاردىڭ قىرىلۋىنا قاتىستى تەكسەرىس قورىتىندىسىن جاريالادى، دەپ حابارلايدى قازاقپارات.

«قازگيدرومەت» ر م ك الاكول كولىندە جابايى قۇستاردىڭ ولۋىنە بايلانىستى 20-شىلدەدە كولدەن سۋ سىنامالارىن الىپ، 41 ينگرەديەنت بويىنشا حيميالىق تالداۋ جۇرگىزدى.

«بالىق شارۋاشىلىعىنان باسقا، سۋ پايدالانۋدىڭ بارلىق ساناتتارى ءۇشىن قولدانىلاتىن سۋ ساپاسىن تالداۋدىڭ ءبىرىڭعاي جۇيەسىنە سايكەس، ماگني، حلوريدتەر، مينەرالدانۋ بويىنشا كورسەتكىشتەن اسىپ كەتۋى تىركەلدى. اتاپ ايتقاندا، ماگني كونسەنتراتسياسى - 316 م گ/دم3، حلوريدتەر - 748 م گ/دم3، مينەرالدانۋ - 4946 م گ/دم3.

حلوريدتەر مەن مينەرالدانۋدىڭ ناقتى كونسەنتراتسياسى فوندىق كلاستان اسپايدى، ال ماگني فوندىق كلاستان اسقان. الاكول كولى بويىنشا سۋ تەمپەراتۋراسى 27-28,6 ؛C دەڭگەيىندە بولدى، سۋتەگى كورسەتكىشى 8,29-8,97، سۋدا ەرىتىلگەن وتتەگىنىڭ كونسەنتراتسياسى 7,55-7,67 م گ/د م3، ءتۇسى 9-17 گرادۋس، ءيىسى بولعان جوق»، - دەپ حابارلادى قازگيدرومەتتەن.

بۇدان بولەك، 26-شىلدەدە 5 تاۋلىك بويى جاسالاتىن «وتتەگىنى بيوحيميالىق تۇتىنۋ 5» تالداۋىنىڭ ناتيجەلەرى جاريالانادى.

ايتا كەتسەك، بۇعان دەيىن ەكولوگيا، گەولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى مەن جانۋارلار دۇنيەسى كوميتەتىنىڭ باسپا ءسوز حاتشىسى ساكەن دىلداحمەت الاكولدىڭ ارالتوبە شاعىن ارالىنداعى قىزىل ۇيرەكتەردىڭ قىرىلۋ فاكتىسىنىڭ ءمان-جايى انىقتالىپ جاتقانىن حابارلاعان بولاتىن .