كوبەيتۇزعا كولىگىمەن كىرگەن جۇرگىزۋشى قازاقستاندىقتاردان كەشىرىم سۇرادى

نۇر- سۇلتان. قازاقپارات - كوبەيتۇزعا كولىگىمەن كىرىپ كەتكەن جۇرگىزۋشى قازاقستاندىقتاردان كەشىرىم سۇرادى. ونىڭ كەشىرىم سۇراعان ۆيدەوسى ىشكى ىستەر مينيسترلىگىنىڭ سايتىندا جاريالاندى، دەپ حابارلايدى قازاقپارات.

ءى ى م- نەن حابارلانعانداي، ءتارتىپ بۇزۋشى نۇر- سۇلتاننان ەكىباستۇزعا ىسساپارمەن بارا جاتقان. جولشىباي ەلگە تانىمال بولىپ كەتكەن كولدى كورمەك بولعان. «البەتتە مەن دۇرىس ارەكەت جاسامادىم. كولگە كىرىپ كەتكەنىم ءۇشىن كەشىرىم سۇرايمىن. جاسپىز عوي، جاياۋ دا كىرىپ، كولدى كەشىپ قايتۋعا بولار ەدى. ءبىراق ولاي بولمادى. الەۋمەتتىك جەلىدە ءارتۇرلى پىكىر ايتىلۋدا. كەشىرىم سۇرايمىن. ءوزىم 40 جاستامىن. ءوزىم دە وسىنداي قادامعا قالاي بارعانىمدى بايقاماي قالدىم» ، - دەيدى ول.

ەسكە سالا كەتسەك تاياۋدا قىزعىلت ءتۇستى كوبەيتۇز كولىنە كولىگىمەن كىرىپ كەتكەن ازاماتتىڭ فوتوسۋرەتى الەۋمەتتىك جەلىدە قىزۋ تالقىلانعان بولاتىن. اقمولا وبلىسىنىڭ پوليتسيا قىزمەتكەرلەرى ول جۇرگىزۋشىنى ۇستاپ، اكىمشىلىك كودەكستىڭ ەكى بابى بويىنشا جاۋاپقا تارتتى. اتاپ ايتقاندا ءتارتىپ بۇزۋشى اكىمشىلىك كودەكستىڭ 364-بابى (ورتاق سۋ پايدالانۋ قاعيدالارىن بۇزۋ) بويىنشا ەسكەرتۋ جاريالانىپ، 434-بابىنىڭ Ⅱتارماعى بويىنشا (ورتاق پايدالانىلاتىن ورىنداردى لاستاۋ) 5 اەك (13890 تەڭگە) ايىپپۇل سالىندى.