گولوۆكين مەن «كانەلو» ءۇشىنشى رەت جەكپە- جەك وتكىزۋگە كەلىستى

نۇر- سۇلتان. قازاقپارات - WBA نۇسقاسى بويىنشا ورتا سالماقتاعى قازىرگى الەم چەمپيونى مەكسيكالىق ساۋل الۆارەس پەن سول سالماقتاعى IBF جانە IBO بەلبەۋلەرىنىڭ يەگەرى قازاقستاندىق گەنناديي گولوۆكين ءۇشىنشى رەت جەكپە- جەك وتكىزۋگە كەلىستى، دەپ حابارلايدى قازاقپارات Sports.kz پورتالىنا سىلتەمە جاساپ.

بۇل تۋرالى جۋرناليست مايك كوپپيندجەر Twitter- دەگى پاراقشاسىندا حابارلادى. ونىڭ ايتۋىنشا، ەكى جاق بىرنەشە اي بۇرىن كەلىسىمگە وتىرعان. جۋرناليست دەرەككوزدەرگە سىلتەمە جاساي وتىرىپ، وسى ايقاستان «كانەلو» -45 ميلليون دوللار ، ال گولوۆكين - 30 ميلليون دوللار تابىس تاباتىنىن ايتتى. ەكىنشى بوكس كەشى ۇيىمداستىرۋشىلارعا 27 ميلليون دوللار كىرىس اكەلگەندىكتەن، ءۇشىنشى جەكپە- جەك كورەرمەنسىز وتپەيدى. ايقاستىڭ شامامەن وتەتىن ۋاقىتى - 2021 -جىلدىڭ مامىرى. ەسكە سالا كەتسەك، 2017 -جىلدىڭ قىركۇيەگىندە بولعان العاشقى جەكپە- جەك تەڭ ناتيجەمەن اياقتالسا، ەكىنشى ايقاستا تورەشىلەردىڭ شەشىمىمەن الۆارەس جەڭىسكە جەتكەن بولاتىن.