دەمالىس ايماقتارىنىڭ جۇمىسىنا شەكتەۋ قويىلادى

نۇر- سۇلتان. قازاقپارات - قازاقستاندا دەمالىس ايماقتارىنىڭ جۇمىسىنا شەكتەۋ ەنگىزىلەدى. بۇل تۋرالى ق ر ىشكى ىستەر ۆيتسە- ءمينيسترى الەكسەي كالايچيدي ايتىپ بەردى، دەپ حابارلايدى قازاقپارات.

«وكىنىشكە قاراي، ءتىپتى ءۇي جاعدايىندا ازاماتتار كوپتەپ جينالىپ، مەرەكەلىك، باتا وقۋ جيىندارىن وتكىزىپ كەلەدى. ازىرگە مۇنداي 48 فاكتى تىركەلدى. اسىرەسە اتىراۋ (14) مەن شىمكەنت (11) قالالارىندا زاڭ بۇزۋشىلىقتار كوپ. وسىعان بايلانىستى قاۋىپتى ينفەكتسيالىق اۋرۋدى تاراتپاۋ ماقساتىندا دەمالىس ايماقتارىنىڭ جۇمىسىنا دا شەكتەۋ ەنگىزىلەدى. سوندىقتان ەل تۇرعىندارىنا مۇنىڭ قاۋىپسىزدىك ءۇشىن قاجەتتى شارا ەكەنىن ايتقىم كەلەدى» ، - دەدى سپيكەر ورتالىق كوممۋنيكاتسيالار قىزمەتىندە وتكەن ونلاين بريفينگتە. ۆيتسە- مينيستر كوروناۆيرۋس ينفەكتسياسىن جەڭگەن مەملەكەتتەردە ءبىرىنشى ورىندا - ازاماتتاردىڭ وزىندىك ءتارتىبى تۇرعانىن اتاپ ءوتتى. « ءارقايسىسىمىز قاۋىپسىزدىك شارالارىن ساقتاپ جۇرسەك، ەلىمىزدىڭ ەپيدەميولوگيالىق جاعدايىدا جاقسارادى. بۇل - ءوزىمىز بەن جاقىندارىمىزدىڭ ءومىرى ءۇشىن ماڭىزدى» ، - دەدى ا.كالايچيدي.