قازاقستان اۋعانستان مەن وزبەكستانعا گۋمانيتارلىق كومەك جىبەرەدى
بۇعان قاتىستى ۇكىمەت باسشىسى اسقار مامين قول قويعان قاۋلى «ادىلەت» نورماتيۆتىك قۇقىقتىق اكتىلەرىنىڭ اقپاراتتىق-قۇقىقتىق جۇيەسىندە جاريالاندى، دەپ حابارلايدى قازاقپارات ءتىلشىسى.
«قازاقستان رەسپۋبليكاسىنىڭ سىرتقى ىستەر مينيسترلىگى رەسمي ىزگىلىك كومەكتى الۋشىلاردى ايقىنداسىن جانە ونى كورسەتۋ جونىندەگى شارالاردى ۇيلەستىرۋدى قامتاماسىز ەتسىن. قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى ىزگىلىك جۇكتى اۋعانستان يسلام رەسپۋبليكاسى مەن وزبەكستان رەسپۋبليكاسىنداعى مەجەلى پۋنكتتەرگە دەيىن تاسىمالداۋ مەن جەتكىزۋدى قامتاماسىز ەتسىن. قازاقستان رەسپۋبليكاسىنىڭ ۇلتتىق ەكونوميكا، سىرتقى ىستەر، قارجى، يندۋستريا جانە ينفراقۇرىلىمدىق دامۋ مينيسترلىكتەرى وسى قاۋلىدان تۋىندايتىن شارالاردى قابىلداسىن» دەلىنگەن قاۋلىدا.
قاۋلى قول قويىلعان كۇنىنەن باستاپ قولدانىسقا ەنگىزىلەدى. اۋعانستان يسلام رەسپۋبليكاسى مەن وزبەكستان رەسپۋبليكاسىنا رەسمي ىزگىلىك كومەك كورسەتۋگە ارنالعان ماتەريالدىق قۇندىلىقتاردىڭ تىزبەسىن مىنا سىلتەمەدەن كورۋگە بولادى.
