اتىراۋدا پوليتسەيلەر قۇجاتسىز جانارماي تاسىمالداعانداردى ۇستادى
وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، ماقات اۋدانىندا پوليتسەيلەر 2 «گازەل» اۆتوكولىگىن توقتاتقان. تەكسەرىس كەزىندە كولىكتەرگە جانار-جاعارماي تيەلگەنى انىقتالعان. جانارمايدى سورۋعا جانە ايداۋعا ارنالعان قۇرىلعىلار بولعان.
«پوليتسيا قىزمەتكەرلەرى 2 كولىكتىڭ جۇرگىزۋشىسىندە (1984 جانە 1992-جىلى تۋعان ازاماتتار) جالپى سالماعى 6,6 توننا بولاتىن سۇيىقتىققا قاتىستى ەشقانداي قۇجات جوعىن انىقتادى. تاركىلەنگەن جانار-جاعارمايعا ساراپتاما تاعايىندالدى» دەيدى اتىراۋ وبلىسى پوليتسيا دەپارتامەنتىنىڭ باستىعى، پوليتسيا پولكوۆنيگى قامزا ۇمبەتقاليەۆ.
قازىر اتالعان دەرەك بويىنشا ق ر قىلمىستىق كودەكسىنىڭ 197-بابى بويىنشا سوتقا دەيىنگى تەرگەپ-تەكسەرۋ ءجۇرىپ جاتىر.
ەسكە سالا كەتەلىك، بۇدان بۇرىن اتىراۋدا قارۋ تاسىمالداعان جۇرگىزۋشى ۇستالعان بولاتىن.
