دەنساۋلىق ءمينيسترى كوروناۆيرۋس جۇقتىرۋشىلاردىڭ كۇرت ءوسۋ سەبەبىن اتادى
«كۇرت ءوسۋدىڭ سەبەبى مىنادا: ءبىرىنشى كەزەكتە اقپاراتتىق الاڭدا «بىزدەن كوروناۆيرۋس ينفەكتسياسى كوشىپ كەتتى» دەگەن اڭگىمە اۋانىنان سەنىپ قالدىق. ۇزاق كارانتين شارالارىنان كەيىن حالىق بوساڭسىپ كەتتى. جايلى اۋا رايى، جاز.. . كارانتيننەن كەيىنگى ۋاقىتتى ادامدار قۋانا قارسى الدى»، - دەيدى الەكسەي سوي.
ءمينيستردىڭ ايتۋىنشا، قازاقستاندىقتار كوپشىلىك ورىنداردا ماسكا كيمەي، قاۋىپسىزدىكتى ساقتاماعان
«ناقتى ايتاتىن دۇنيە ۆيرۋسپەن ءبىز ءالى ۇزاق كۇرەسەتىن بولامىز. ءبارى دە وزىمىزگە، الەۋمەتتىك قاشىقتىقتى ساقتاۋىمىزعا بايلانىستى. شىنتۋايتىندا ماسكا كيۋ ءبىزدىڭ ءومىرىمىزدىڭ سالتىنا اينالۋى كەرەك. ۇلكەن كومپانيالاردا ءجۇرىپ، قاشىقتىقتى ساقتاۋ كەرەكتىگىن ۇمىتىپ كەتكەن سەكىلدىمىز. جالپى بوساڭسۋ، بەلسەندىلىك، ادامداردىڭ ءبىر- ءبىرىن جاقىن ارالاسا كەتۋى - ۆيرۋستىڭ ودان ارى كەڭ تارالۋىنا جول اشتى»،- دەيدى مينيستر.
