ا ق ش قىتايدان باس كونسۋلدىعىن جابۋدى تالاپ ەتتى
بۇل جايىندا بەيجىڭدە وتكەن باسپا ءسوز ءماسليحاتىندا قىتاي سىرتقى ىستەر مينيسترلىگىنىڭ رەسمي وكىلى مالىمدەدى. ايتۋىنشا، كونسۋلدىق پەن ەلشىلىك قىزمەتكەرلەرى ا ق ش ۇكىمەتى تاراپىنان قۋدالاۋعا ۇشىراعان.
قىتاي ەلىنىڭ وكىلدەرى «امەريكالىقتاردىڭ بۇل ارەكەتى حالىقارالىق قۇقىق پەن ەكى مەملەكەت اراسىنداعى كونسۋلدىق كەلىسىمدى بۇزادى» دەيدى.
رەيتەر اگەنتتىگىنىڭ حابارلاۋىنشا، رەسمي ۆاشينگتون امەريكالىقتاردىڭ زياتكەرلىك مەنشىگى مەن جەكە مالىمەتتەرىن قورعاپ قالۋ ءۇشىن وسىنداي قادامعا بارعان.
ۆان ۆەنبين، قىتاي سىرتقى ىستەر مينيسترلىگىنىڭ رەسمي وكىلى:
- بۇل ا ق ش تاراپىنان جاسالىپ وتىرعان ساياسي ارانداتۋشىلىق. امەريكاندىقتاردىڭ بۇل ارەكەتى حالىقارالىق قۇقىق نورمالارى مەن ارامىزداعى كونسۋلدىق كەلىسىمدى ورەسكەل بۇزادى. قىتاي تاراپى مۇنى قاتاڭ سىنعا الىپ، امەريكالىقتاردان قاتە شەشىمنەن باس تارتۋىن تالاپ ەتىپ وتىر. ايتپەسە ءبىز جاۋاپ قايتاراتىن بولامىز.
www.24.kz
