19:29, 22 - شىلدە 2020 | GMT +5
بەرىك ءۋالي مەملەكەت باسشىسىنىڭ جازبالارى نەگە كەش جاريالاناتىنىن ءتۇسىندىردى
نۇر- سۇلتان. قازاقپارات – ق ر پرەزيدەنتىنىڭ باسپا ءسوز حاتشىسى بەرىك ءۋالي مەملەكەت باسشىسىنىڭ الەۋمەتتىك جەلىدەگى كەي جازبالارى نەلىكتەن كەش جاريالاناتىنىن ءتۇسىندىردى.
بۇل تۋرالى قازاقپارات zakon.kz پورتالىنا سىلتەمە جاساپ حابارلايدى.
«مەملەكەت باسشىسى ەلدەگى جالپى جاعدايدى ءجىتى باقىلاپ، ب ا ق پەن الەۋمەتتىك جەلىلەردەگى جاريالىمدارمەن تانىسۋعا ۇنەمى ۋاقىت تابادى. قاسىم- جومارت كەمەل ۇلى قاجەت دەپ تاپقان جاعدايدا، جازبا جاريالاپ، قوعام نازارىنا ىلىككەن وقيعالارعا قاتىستى ءوز كوزقاراسىن ءبىلدىرىپ، ءتيىستى تاپسىرما بەرەدى. جۇمىس كەستەسى تىعىز بولعاندىقتان، مۇنداي جازبالاردىڭ كەش جاريالانۋى تۇسىنىكتى دەپ ويلايمىن،- دەپ ءتۇسىندىردى بەرىك ءۋالي. سونىمەن قاتار، باسپا ءسوز حاتشى پرەزيدەنتتىڭ دەمالىسسىز ەڭبەك ەتىپ جاتقانىن اتاپ ءوتتى.
