الاكولدەگى جابايى ۇيرەكتەردىڭ جاپپاي قىرىلۋ فاكتىسى تەكسەرىلۋدە
بۇل تۋرالى ەكولوگيا، گەولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى مەن جانۋارلار دۇنيەسى كوميتەتىنىڭ باسپا ءسوز حاتشىسى ساكەن دىلداحمەت facebook پاراقشاسىندا جازدى، دەپ حابارلايدى قازاقپارات.
«شىعىس قازاقستان وبلىسىنىڭ ورمان شارۋاشىلىعى مەن جانۋارلار الەمى اۋماقتىق ينسپەكتسياسىنىڭ مەملەكەتتىك ينسپەكتورلارى الاكول مەملەكەتتىك تابيعي قورىعىنىڭ قىزمەتكەرلەرىمەن بىرگە جابايى قۇستاردىڭ قىرىلۋىنا بايلانىستى الاكول كولىنىڭ ارالتوبە شاعىن ارالىنا بارىپ قايتتى. ارالدى تەكسەرۋ بارىسىندا ماماندار 9 ءولى وتۇيرەك (قىزىق ۇيرەك) جاتقانىن انىقتادى. ماماندار ۇلكەن، ورتا جانە شاعىن ارالتوبەنى تەكسەرىپ شىقتى. وتۇيرەكتەردىڭ جاپپاي قىرىلۋ فاكتىسى انىقتالعان جوق»، - دەدى ساكەن دىلداحمەت.
قۇستاردىڭ قىرىلۋ فاكتىسىن انىقتاۋ ءۇشىن ينسپەكتسيا قىزمەتكەرلەرى ءتيىستى مەملەكەتتىك ورگاندارعا حابارلاما بەردى.
«وقيعا ورنىنا عىلىمي ۇيىمدار مەن ينسپەكتسيا، ەكولوگيا دەپارتامەنتىنىڭ قىزمەتكەرلەرى بارادى»، - دەيدى ول.
