تۋريستەردىڭ جۇمباقتاسقا شىعۋىنا تىيىم سالۋ كەرەك پە - مينيستر جاۋاپ بەردى

نۇر- سۇلتان. قازاقپارات - ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ بۋرابايداعى جۇمباقتاسقا شىعۋعا تىيىم سالۋ باستاماسىنا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«مەن مۇنداي ۇسىنىستى قولداي المايمىن. سەبەبى ءبىزدىڭ ازاماتتاردىڭ تابيعاتتى تاماشالاۋعا قۇقىعى مەن مۇمكىندىگى بولۋى كەرەك. تۋريستەر بۇكىل ەل ماقتاناتىن جەردى كورۋ ءۇشىن الىس- جاقىننان قانشاما جول ءجۇرىپ كەلەدى، سوندىقتان ءبارى اشىق بولۋى ءتيىس»، - دەدى ماعزۇم مىرزاعاليەۆ و ك ق- دا وتكەن باسپا ءسوز ءماسليحاتىندا.

ايتسە دە، مينيستر كولدىڭ جاي- كۇيى مەن تابيعي لاندشافتىنا مونيتورينگ جاسالۋى كەرەكتىگىن ەسكەرتتى.

«ەگەر كوبەيتۇزداعىداي تابيعاتتى قورلاۋ فاكتىلەرى ورىن الىپ جاتسا، وندا البەتتە، ءبىز وعان تىيىم سالۋىمىز دا مۇمكىن. سەبەبى تابيعاتتىڭ بايلىعىن ساقتاپ قالۋ كەرەك. ءبىز ول بايلىقتى ساقتاپ قانا قويماي، ۇرپاققا قالدىرۋىمىز كەرەك»، - دەدى ول.