الماتىلىقتار كوروناۆيرۋستى قاي جەردە جۇقتىرىپ العان

الماتى. قازاقپارات - الماتى قالاسىنىڭ باس سانيتار دارىگەرى جانداربەك بەكشين قالا تۇرعىندارىنىڭ كوبىنە قاي جەردە ۆيرۋس جۇقتىراتىنىن ايتتى، دەپ حابارلايدى قازاقپارات ءتىلشىسى.

«كوروناۆيرۋس سەبەپتەرىن تالداۋ كەزىندە جۇقتىرۋدىڭ %56 ى جۇمىس ورنىندا بولعانى انىقتالدى. %20 ىندا، ياعني 1948 جاعدايدا وتباسى مۇشەلەرىنەن جۇققان. 13 جاعدايدا نەدەن جۇققانى بەلگىسىز»، - دەيدى ج. بەكشين.

ونىڭ ايتۋىنشا، تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى ناۋقاستارمەن بايلانىستا بولعان تۇلعالاردىڭ دەنساۋلىعىن ءجىتى باقىلاپ وتىر.

«جاقىن بايلانىستا بولعان 48 مىڭ ادام، جۇمىس بابىمەن بىرگە بولعان 22 مىڭ ادام باقىلاۋدا. 7 مىڭ ادامنىڭ دەنساۋلىعى ءۇي كارانتينىندە باقىلانىپ وتىر» دەپ اتاپ ءوتتى باس سانيتار دارىگەر.