«شاش تۇسە باستادى» - كوروناۆيرۋستان ايىققان ناۋقاستار اۋرۋدىڭ سالدارى تۋرالى ايتتى
ناۋقاستار الەۋمەتتىك جەلىدە دە، ماماننىڭ قابىلداۋىندا دا اۋرۋدان ايىققاننان كەيىن شاشتارىنىڭ تۇسە باستاعانىن ايتىپ، شاعىمدانعان.
«مەنىڭ شاشىمنىڭ 55 پايىز ءتۇسىپ كەتتى. كۇن سايىن شاشىم كوپ ءتۇسىپ ءجۇر»، - دەيدى اۋرۋحانادان شىققاننان كەيىن وسىنداي بەلگىلەردى بايقاعان گرەيس دادلي.
ناۋقاستارعا كومەكتەسكەن بەلسەندى، ءوزى دە كوروناۆيرۋس جۇقتىرعان لۋيزا بارنستىڭ سوزىنشە، توپتاعى كوپتەگەن ادام شاشىنىڭ تۇسە باستاعانىنا شاعىمدانعان. ونىڭ ىشىندە بەلسەندىنىڭ ءوزى دە بار.
دارىگەرلەردىڭ ايتۋىنشا، مۇنداي قۇبىلىس كوروناۆيرۋس ينفەكسياسىنىڭ ءبىر بەلگىسى - دەنە قىزۋىنىڭ كوتەرىلۋىمەن بايلانىستى بولۋى مۇمكىن.
«دەنە قىزۋىنىڭ 37,5 گرادۋستان جوعارى بولۋىنان شاش تۇسە باستاۋى مۇمكىن. سەبەبى شاش ءوسۋىنىڭ تابيعي سيكلى بۇزىلادى»، - دەيدى دارىگەر اراگون دجۋزەپپە.
ماماندار بۇل ۋاقىتشا قۇبىلىس ەكەنىن ايتادى.
