حالىققا قىزمەت كورسەتۋ ورتالىعىنا كەزەك برونداۋ جەڭىلدەدى

نۇر-سۇلتان. قازاقپارات - ەندى حالىققا قىزمەت كورسەتۋ ورتالىعىنا كەزەكتى برونداۋ كەزىندە قىزمەت الۋشىلار كەزەك الۋعا بولاتىن بوس ۋاقىتتى كورە الادى.

بۇرىن بوس ورىن جوقتىعىنا قاراماستان، برونداۋ تىزىمىندە بارلىق ۋاقىت كورسەتىلەتىن. بۇل قىزمەت الۋشىلار ءۇشىن قولايسىزدىق تۋعىزىپ، مازىردەن قايتا شىعىپ، بوس ۋاقىتتى قايتادان ىزدەۋگە تۋرا كەلەتىن، دەپ حابارلايدى قازاقپارات «ازاماتتارعا ارنالعان ۇكىمەت» ك ە ا ق باسپا ءسوز قىزمەتىنە سىلتەمە جاساپ.

سونىمەن قاتار Egov.kz پورتالىندا كەزەكتى قايتا برونداۋدىڭ جاڭا فۋنكسياسى ىسكە قوسىلدى. ەگەر ازامات الدىن الا جاساعان برونى بويىنشا قاندايدا سەبەپتەرمەن ح ق و- عا بارا الماسا، كەزەك ۋاقىتىن قايتا بەلگىلەپ، پايدالانباعان برون ۋاقىتىن بوساتا الادى. ءبىر ادامنىڭ بىرنەشە ۋاقىت ارالىعىن بىردەن برونداۋ مۇمكىندىگى دە شەكتەلدى.

ەندى ازاماتتار 10 كۇندە ءبىر رەت قانا برون جاساي الادى. بۇل رەتتە، ح ق و مەن اۆتو ح ق و- عا جاسالعان برون بولەك- بولەك ەسەپتەلمەيدى، ياعني قىزمەت الۋشى 10 كۇن ىشىندە ح ق و- عا دا، مامانداندىرىلعان ح ق و- عا دا كەزەكتى ونلاين قويا الادى.

اۆتو ح ق و- عا جۇگىنۋشى ازاماتتارعا كولىكتى قايتا تىركەتۋ قىزمەتى قاجەت بولسا، برون كولىكتى ساتۋشى ازاماتتىڭ اتىندا بولۋ كەرەكتىگىن ەسكەرتەمىز.

اتالعان شارالار برونداۋ سەرۆيسىندەگى كەزەكتى ازايتۋعا جانە نەعۇرلىم كوپ ازاماتتىڭ قىزمەت الۋىنا جاعداي جاسادى. اتالعان وزگەرتۋلەردى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باستاماسىمەن egov.kz پورتالىنىڭ وپەراتورى - «ۇلتتىق اقپاراتتىق تەحنولوگيالار» ا ق جۇزەگە اسىردى.

بۇعان ازاماتتارعا ارنالعان ۇكىمەتكە قىزمەت الۋشىلاردان كەلىپ تۇسكەن وتىنىشتەردىڭ ءاناليزى مەن ونلاين تۇردە كەزەككە تۇرۋدى تەحنيكالىق جاقسارتۋ قاجەتتىلىگىن انىقتاعان فوكۋس- توپتىڭ تەستىلەۋ ناتيجەلەرى نەگىز بولدى. سونداي-اق ءبىر جۇمىس كۇنى ىشىندە ءبىر جسن يەسى ءۇشىن قىزمەتتەردىڭ ەكى ءتۇرىن برونداۋ مۇمكىندىگى جاسالدى، ولاردىڭ ءبىرى قۇجاتتاندىرۋ قىزمەتىمەن بايلانىستى. مىسالى، ەگەر بۇرىن ازامات ءبىر كۇندە ءبىر عانا قىزمەت تۇرىنە برون جاساي السا، ماسەلەن، جەكە كۋالىك قىزمەتى بويىنشا، ەندى سول كۇنى ودان وزگە قىزمەت ءتۇرىن الۋ مۇمكىندىگى بار. سونىمەن قاتار، ەندى egov.kz قولدانۋشىلارى ەلەكتروندىق ۇكىمەت پورتالىنداعى جەكە كابينەتىندە تاپسىرىس بەرىلگەن كەزەگىنىڭ مارتەبەسىن كورە الادى.

ەستەرىڭىزگە سالا كەتەيىك، توتەنشە جاعداي اياقتالعاننان كەيىن قازاقستاننىڭ حالىققا قىزمەت كورسەتۋ ورتالىقتارىندا ونلاين تۇردە قولجەتىمسىز، تەك «قاعاز» جۇزىندە كورسەتىلەتىن قىزمەتتەردى الۋعا بولادى. ول ءۇشىن ح ق و- عا كەزەك ۋاقىتىن الدىن الا egov.kz پورتالى نەمەسە eGovKzBot2.0 تەلەگرام- بوتى ارقىلى برونداۋ كەرەك. بۇل ازاماتتاردىڭ كوپتەپ جينالماۋى مەن ۆيرۋستى جۇقتىرۋ قاۋپىن ازايتۋعا باعىتتالعان شارالار.