ءۇندىستاندا نارازى فەرمەرلەر مىڭداعان ليتر ءسۇتتى جولعا توكتى

نۇر -سۇلتان. قازاقپارات - ماحاراشترا شتاتىنىڭ فەرمەرلەرى ءسۇت باعاسىنىڭ تومەن بولۋىنا بايلانىستى قارسىلىق اكتسياسىن وتكىزدى، - دەپ حابارلايدى Thefactnews.

جەرگىلىكتى ب ا ق- تىڭ حابارلاۋىنشا، فەرمەرلەر ءسۇت باعاسىن 1 ليترىنە 25-30 رۋپييگە (137-165 تەڭگە) دەيىن كوتەرۋدى تالاپ ەتىپ وتىر. نارازىلىق اكسياسى شتاتتىڭ بىرنەشە اۋدانىندا ءوتتى. ءسۇت جەتكىزۋشىلەر ءىرى اۆتوموبيل تاس جولىنىڭ ورتاسىنا توقتاپ، ءسۇتتى جولعا توكتى.

سونداي- اق، فەرمەرلەر مەملەكەتتەن ءسۇت ۇنتاعىن يمپورتتاۋدى توقتاتۋدى تالاپ ەتىپ، ەكسپورتتىق سۋبسيديالار سۇرادى.

نارازىلىق اكسيالارىنىڭ بىرىندە فەرمەرلەر بوتەلكەدەگى سۋدىڭ باعاسى ءسۇت باعاسىنان جوعارى ەكەنىن ايتىپ، سۋتكە جۋىندى.

شتات بيلىگى ماسەلەنى شەشۋ ءۇشىن جۇمىس ىستەپ جاتقانىن اتاپ ءوتىپ، فەرمەرلەردىڭ ۇسىنىسىن قاراستىراتىنىن ايتتى.