12:14, 22 - شىلدە 2020 | GMT +5
الەۋمەتتىك جەلىدە تاراعان قازاقستانداعى زەينەتكە شىعۋ جاسىنىڭ وزگەرۋى تۋرالى اقپارات - جالعان
نۇر-سۇلتان. قازاقپارات - قازاقستانداعى زەينەتكە شىعۋ جاسى قىسقاراتىنى تۋرالى حابارلاما تۇسىرىلگەن سكرينشوت الەۋمەتتىك جەلى مەن مەسسەندجەرلەردە تاراپ ءجۇر.
ەڭبەك جانە حالىقتى الەۋمەتتىك قورعاۋ مينيسترلىگى بۇل اقپاراتتىڭ شىندىققا جاناسپايتىنىن ءمالىم ەتتى، دەپ حابارلايدى قازاقپارات.
Stopfake.kz سايتىنىڭ حابارلاۋىنشا، Facebook قولدانۋشىسىنىڭ ءبىرى پاراقشاسىندا جاريالاعان سكرينشوتتا ەر ادامدار 61 جاستا، ايەلدەر 57 جاستا زەينەتكە شىعادى دەلىنگەن.
ماتىنمەن بىرگە قازاقستان پرەزيدەنتىنىڭ سۋرەتى بەرىلگەن. ەڭبەك جانە حالىقتى الەۋمەتتىك قورعاۋ مينيسترلىگى بۇل اقپارتتى جوققا شىعاردى.
«بۇل - جالعان، زەينەتكە شىعۋ جاسىنىڭ وزگەرىسى تۋرالى ەشقانداي ءسوز بولعان جوق»، - دەپ مالىمدەدى مينيسترلىك.
