شىمكەنتتە ەپيدەميولوگيالىق جاعداي تۇراقتالىپ كەلەدى

شىمكەنت. قازاقپارات - شىمكەنتتە ەپيدەميولوگيالىق جاعداي تۇراقتالىپ كەلەدى.

بۇگىندە قالادا COVID-19 ۆيرۋسىن جۇقتىرعاندار سانى - 44537، ءوسىم 1 پايىزدى قۇراپ وتىر، دەپ حابارلايدى قازاقپارات ءتىلشىسى.

قالا اكىمدىگىنىڭ مالىمەتىنشە، قاۋىپتى ىندەتتەن 2770 ادام جازىلىپ شىققان. ياعني، ناۋقاستاردىڭ 62 پايىزى ەمدەلگەن. قازىرگى تاڭدا ەپيدەميولوگيالىق جاعدايدى تۇراقتاندىرۋ ماقساتىندا ينفەكتسيالىق جانە پروۆيزورلىق ستاتسيونارلاردا قىسقا مەرزىمدە قوسىمشا 3050 توسەك ورنى ۇيىمداستىرىلىپ، ورىن سانى 3860 قا جەتكىزىلگەن.

ونىڭ ىشىندە 650 ينفەكتسيالىق، 3210 پروۆيزورلىق توسەك ورىن سانالادى. ال، رەانيماتسيالىق 30 توسەك-ورىن سانى 151 گە دەيىن كوبەيتىلگەن. بۇدان بولەك، قالاداعى اۋرۋحانالارعا قوسىمشا 58 يۆل اپپاراتى مەن 250 «بوبروۆ» تىنىس الۋ اپپاراتى جانە 26 رەانيماتسيالىق مونيتور الىنعان.

رەانيماتسيالىق ورىننىڭ 88,7 پايىزى نەمەسە 134 يۆل اپپاراتتارىمەن قامتىلعان. كيسلورودپەن قامتىلعان ورىن سانى 861 گە نەمەسە جالپى ورىننىڭ 22,3 پايىزىنا جەتكىزىلگەن. سونداي-اق، تۇماۋ مەن وكپە قابىنۋ بەلگىلەرىمەن جەدەل جاردەم شاقىرۋشىلار سانى 26,6 پايىزعا ازايىپ وتىر.

ستاتسيونارلاردا ەم الۋشىلار سانى 31,5 پايىزعا تومەندەپ، ستاتسيونارلارداعى توسەك ورىننىڭ جۇكتەمەسى 90,3 پايىزدان 47,5 پايىزعا دەيىن كەمىگەن.