قاسىم-جومارت توقايەۆ: ازاماتتاردىڭ تابيعي دەمالىس ورىندارىنداعى جاپپاي مادەنيەتسىزدىگى توقتاماي تۇر
«بۇل جاعىمسىز ارەكەتتەر وسكەلەڭ ۇرپاققا جۇرگىزىلەتىن ەكولوگيالىق اعارتۋ جۇمىستارىنىڭ تۇيتكىلدەرىن اشىپ بەردى. ءبىلىم، ەكولوگيا، اقپارات مينيسترلىكتەرى بۇل ماسەلەنى جۇمىستارىنىڭ باسىم باعىتى رەتىندە قاراستىرۋى كەرەك»، - دەپ اتاپ وتكەن ق ر پرەزيدەنتى.
ەسكە سالا كەتسەك ، ەرەيمەنتاۋ اۋدانى اكىمى اباي ءالجانوۆ وتكىزگەن جەدەل شتاب وتىرىسىندا اۋدان ەپيدەميولوگيالىق جاعداي تۇراقتالعانعا دەيىن - ەرەيمەنتاۋ اۋدانى شەكاراسى اۋماعىندا ورنالاسقان «كوبەيتۇز»، «كۇربەت»، «تەڭىز»، «قورجىنكول» جانە باسقا دا كولدەرگە بارۋعا تىيىم سالۋ تۋرالى حاتتاما قابىلدانعان ەدى. سونداي-اق ەكولوگيا، گەولوگيا جانە تابيعي رەسۋرستار مينيسترلىگى كوبەيتۇزدىڭ لاستانىپ، ال ول جاقتان تۇزدىڭ تيەلىپ اكەتىلۋىنە بايلانىستى الاڭداۋشىلىق ءبىلدىرىپ وتىر.
ەكولوگتار سۋدىڭ ساپاسىن تەكسەرۋ ءۇشىن سىناما الدى. تابيعاتتى قورعاۋ ءۇشىن ەرىكتىلەر تارتىلۋدا. ءۇش موبيلدى توپ، جەدەل شتاب جانە موبيلدى پاترۋل قۇرىلدى. ولاردىڭ مىندەتى - قورشاعان ورتانىڭ لاستانۋىن بولدىرماۋ.
