ۇيدە وتتەگى كونتسەنتراتىن بەيبەرەكەت قولدانۋعا بولمايدى
ءبىراق دەنە قىزۋىن تۇسىرەتىن پاراتسەتامول، يبۋپروفەن مەن وزگە دە انتيبيوتيكتەر تەك دارىگەردىڭ نۇسقاۋىمەن قابىلدانۋى ءتيىس. بۇل تۋرالى مينيستر الەكسەي تسوي ونلاين بريفينگتە ايتتى. شىلدەنىڭ 15- كۇنى كوروناۆيرۋستى ەمدەۋدىڭ 10-حاتتاماسىنا وزگەرىستەر ەنگىزىلگەن بولاتىن. قازىر ارنايى كوميسسيا سول قۇجاتقا ساي ەم- دومعا قاجەت پرەپاراتتاردىڭ ءتىزىمىن ازىرلەپ جاتىر. «لوپيناۆير» جانە «گيدروكسي- حلوروحين پرەپاراتتارى ەندى قولدانىلمايدى. ەسەسىنە اۋىر حالدەگى ناۋقاستارعا «رەمدەسيۆير» جانە «فاۆيپيراۆير» دارىلەرى بەرىلەتىن بولدى. الداعى ەكى ايدا اۋرۋحانالارعا 4153 جاساندى تىنىس الدىرۋ اپپاراتى جەتكىزىلەدى. ونىڭ 3105 ءى وتاندىق قۇرىلعى ەكەن.
بريفينگتە ايتىلعان تاعى ءبىر اقپار. پنيەۆمونيامەن اۋىرىپ، قايتىس بولعانداردىڭ ستاتيستيكاسى الداعى تامىز ايىندا جاريالانادى. مينيستر ارنايى كوميسسيانىڭ وڭىرلەردەگى ءولىم- ءجىتىمنىڭ ناقتى سەبەبىن انىقتاۋعا ءبىراز ۋاقىتى كەتەدى دەيدى. سوسىن ۇيدە ەمگە وتتەگى كونتسەنتراتىن بەيبەرەكەت قولدانۋعا بولمايدى. مۇنىڭ سەبەبىن دەنساۋلىق ساقتاۋ ۆيتسە- ءمينيسترى اجار عينيات ءتۇسىندىردى.
اجار عينيات، ق ر دەنساۋلىق ساقتاۋ ۆيتسە- ءمينيسترى:
- وتتەگىنى باللونمەن ۇيدە قولدانۋعا بولمايدى. ول جارىلىسقا اكەلۋى مۇمكىن. جانە دە ەمدى مەديتسينالىق مەكەمەلەردە وتتەگىنىڭ مولشەرىن اۋرۋدىڭ سالماعىنا، جاسىنا جانە وكپەسىنىڭ كۇيزەلىسىنە قاراپ دارىگەر بەرەدى. سوندىقتان ءبىر باللون وتتەگىنىڭ قانشا اۋرۋعا جەتەتىنىن ايتۋ مۇمكىن ەمەس. ول دارىگەردىڭ ءوزىنىڭ مولشەرىن انىقتاۋىنا بايلانىستى. ەل اراسىندا ىندەتتەن كوز جۇمعاندار اراسىندا بالالار بار دەگەن اقپارات تاراعان. ۆيتسە- مينيستر ونى جوققا شىعاردى. اجار عينياتتىڭ ايتۋىنشا، ەلىمىزدە كوروناۆيرۋستان كوز جۇمعان بىردە- ءبىر بالا جوق. دەگەنمەن ۆيرۋس جۇقتىرعان 40 كەلىنشەك بوسانۋ كەزىندە باقيلىق بولعان.
