19:48, 21 - شىلدە 2020 | GMT +5
كوبەيتۇزدىڭ جاعاسىنا كولىكپەن كىرگەن ازامات ىزدەستىرىلىپ جاتىر
نۇر-سۇلتان. قازاقپارات - سوڭعى كۇندەرى كوپشىلىك اراسىندا كەڭىنەن تانىلىپ، كەلۋشىلەر كوبەيگەن كوبەيتۇز كولىنىڭ تۇزىن شەلەكتەپ تاسۋ، قالا بەردى ساتۋ دەرەكتەرى تىيىلماي تۇر، دەپ حابارلايدى «حابار 24».
ءتىپتى جۇرت اراسىندا كولدىڭ باتپاعى مەن تۇزى دەرتكە شيپا دەگەن الىپ قاشپا اڭگىمە تارالدى. جەرگىلىكتى بيلىك بىرنەشە كۇن بۇرىن بۇل ماڭدا تىنىعۋعا تىيىم سالعان ەدى. الايدا ەسكەرتۋدى ەلەمەيتىندەر بار. كولدىڭ جاعاسىنا كولىگىمەن بارىپ، سۋرەتىن الەۋمەتتىك جەلىدە جاريالاعان ءبىر ازاماتتىڭ ارەكەتى بۇگىن كوپشىلىك تاراپىنان سىنالدى. وسىعان بايلانىستى اقمولا وبلىسىنىڭ پوليتسەيلەرى تەكسەرۋگە شىعىپ، كارانتين تالاپتارىنىڭ ورىندالۋىن قاداعالايدى. كەشكە دەيىن تىيىم سالىنعان جەردە جايباراقات جۇرگەن ازاماتتى انىقتاۋعا ۋادە ەتتى.
